جاقسى كۇندى وتباسى بولىپ قارسى الامىز!
جۇما, 4 مامىر 2012 8:25
قازاقستاننىڭ ازاماتتىق اليانسى «وتباسىلىق اكادەميا» وتباسىلىق ءتاربيەنى ناسيحاتتاۋ ورتالىعىمەن بىرلەسىپ, «بولاشاق بۇگىننەن باستالادى» اكتسياسى اياسىندا «كوكتەمدى بىرگە قارسى الامىز!» اتتى ءىس-شارا وتكىزدى.
الماتى قالاسىنىڭ مەدەۋ اۋدانى تۇرعىندارىنان قۇرالعان وتباسىلىق كوماندالار بۇل مەرەكەلىك شارادا ءوزارا ءتۇرلى سپورتتىق ويىندار, قىزىقتى ۆيكتورينالار مەن كونكۋرستارعا قاتىسىپ, مەكتەپ جاسىنا دەيىنگى جانە وقۋشى ءجاسوسپىرىمدەردىڭ دايىنداعان كونتسەرتتىك باعدارلامالارىن تاماشالادى.
جۇما, 4 مامىر 2012 8:25
قازاقستاننىڭ ازاماتتىق اليانسى «وتباسىلىق اكادەميا» وتباسىلىق ءتاربيەنى ناسيحاتتاۋ ورتالىعىمەن بىرلەسىپ, «بولاشاق بۇگىننەن باستالادى» اكتسياسى اياسىندا «كوكتەمدى بىرگە قارسى الامىز!» اتتى ءىس-شارا وتكىزدى.
الماتى قالاسىنىڭ مەدەۋ اۋدانى تۇرعىندارىنان قۇرالعان وتباسىلىق كوماندالار بۇل مەرەكەلىك شارادا ءوزارا ءتۇرلى سپورتتىق ويىندار, قىزىقتى ۆيكتورينالار مەن كونكۋرستارعا قاتىسىپ, مەكتەپ جاسىنا دەيىنگى جانە وقۋشى ءجاسوسپىرىمدەردىڭ دايىنداعان كونتسەرتتىك باعدارلامالارىن تاماشالادى.
مەرەكەنىڭ ءمانىسى – ءومىردىڭ باستاۋىنداي بولىپ بۇكىل تابيعاتقا جىلىلىق لەبىن, جاستىقتىڭ شۋاعىن سەبە كەلەتىن كوكتەمدى كوپشىلىك اسا قۋانىشپەن, بارشا ادامزاتقا تاتۋلىق پەن بىرلىكتىڭ, بەرەكە مەن سىيلاستىقتىڭ نۇرىن دارىتاتىن كەرەمەت كەزەڭنىڭ باسى ەكەندىگىن ناسيحاتتاۋ. ۇيىمداستىرۋشىلار ءوز وتباسىڭنان باستاپ, بارلىق ادام بالاسىنا جاقسىلىق تىلەۋ جانە بەيبىت ومىردە جاقسىلىقتار جاساۋعا جاس ۇرپاقتى تاربيەلەۋ نيەتىمەن مەرەكەلىك كوڭىل-كۇيدە وسىنداي شارانى ۇيىمداستىرۋدى قولعا الىپ وتىر.
وسىنداي وتباسىلىق مەرەكەلەر, قوعامدىق شارالار ءبىزدىڭ داستۇرىمىزگە اينالۋى ءتيىس. بۇل ءبىزدىڭ شاڭىراعىمىزدىڭ اۋىزبىرشىلىگىن ارتتىرۋمەن قاتار, جاستارىمىزدىڭ پاتريوتتىق رۋحتا تاربيە الۋىنا, الدىڭعى ۇرپاق وكىلدەرىنىڭ جاقسى قاسيەتتەرىن بويلارىنا ءسىڭىرىپ وسۋلەرىنە ىقپال ەتەدى. دەنى ساۋ, كوڭىلى كوركەم جاس وتباسى ءمۇشەلەرى ۇلتارالىق كەلىسىم مەن قوعامدىق ۇيىسۋدىڭ نە ەكەنىن ءبىلىپ, ءوز بالالارىن دا جاقسى ىستەرگە شاقىرىپ, بولاشاق ۇرپاعىنىڭ بيىكتەردەن كورىنۋ باقىتىنا يە بولادى.
ەلباسى ن.نازارباەۆتىڭ قازاقستان حالقىنا ارناعان بيىلعى جولداۋىندا «ءبىزدىڭ بولاشاعىمىز – ادام كاپيتالىنىڭ ساپالى وسىمىندە» دەپ ايتقانىنداي, ءبىزدىڭ بۇگىنگى ۇرپاق ءتاربيەسىنە جۇمساعان كۇش-قايراتىمىز كۇنى ەرتەڭ ەلىمىزدىڭ تىزگىنىن نىق ۇستايتىن ساپالى ۇرپاقتىڭ يگىلىكتەرىمەن تولىعادى. سوندىقتان دا اتالمىش شارانىڭ ۇيىمداستىرۋشىلارى مەكتەپكە دەيىنگى جانە مەكتەپ جاسىنداعى جاس ۇرپاق تاربيەسى مەن قامقورلىعىن ارتتىرىپ قانا قويماي, ءبىلىم سالاسىنا جاڭا تەحنولوگيالار مەن زاماناۋي ءتالىم بەرۋ ۇلگىلەرىن دە ساۋاتتى ەنگىزە ءبىلۋىمىز كەرەك دەپ ەسەپتەيدى.
«بولاشاق بۇگىننەن باستالادى» اكتسياسى اياسىندا وتكىزىلىپ جاتقان يگى شارالار قازاقستاندىق قوعامدى سالاماتتى ومىرگە, جارقىن بولاشاققا دەگەن سەنىمدىلىككە باستاپ وتىرعانى ايان. ەلىمىزدىڭ ءار شالعايىندا وسى ۇرانمەن كوپتەگەن ىستەر اتقارىلىپ, تىڭ يدەيالار, سونى شارالار قولدانىسقا ەنگىزىلۋدە. جاستارىمىزدى قوعامدىق ىستە عانا ەمەس, بىلايعى ومىردە دە بىرلەسۋگە ۇيرەتىپ, ەگەمەن ەلدىڭ ەرتەڭىنە دەگەن سەنىمدىلىكتەرىن ارتتىردى. ەل يگىلىگىنە جارايتىن يگى يدەيانى جاقسى داستۇرگە اينالدىرۋ بارشامىزدىڭ مىندەتىمىز دەپ قابىلداۋ كەرەك.
قانات ەسكەندىر,
الماتى.
