ونىڭ ايتۋىنشا, جاستار جىلىندا جانە اقتوبە قالاسىنىڭ 150 جىلدىعىن مەرەكەلەۋ اياسىندا وڭىردە رەسپۋبليكانىڭ ءار ايماعىنان, جاقىن شەتەلدەردەن كەلەتىن 200 مىڭنان استام ادامدى قامتيتىن 150 سپورتتىق شارا وتكىزىلمەك.
«مەملەكەت باسشىسىنىڭ بۇقارالىق سپورتتى دامىتۋ, اسىرەسە اۋىلدىق جەرلەردە دامىتۋ تاپسىرماسى بويىنشا 2019 جىلعا ارنالعان وبلىستىق سپورتتىق باعدارلامالاردىڭ جوسپارىندا 14-29 جاس ارالىعىنداعى جاستاردى قامتيتىن قر-نىڭ تۇڭعىش پرەزيدەنتى – ەلباسىنىڭ تەستتەرىن وتكىزۋ كوزدەلىپ وتىر. اقتوبەلىك جاستاردىڭ بوس ۋاقىتىن ءتيىمدى ۇيىمداستىرۋ ماقساتىندا 103 وبلىستىق جارىستار, 8 قر چەمپيوناتى, 14 حالىقارالىق جانە رەسپۋبليكالىق تۋرنيرلەر, سپورتتىڭ ءار ءتۇرى بويىنشا 3 كەشەندى سپورتتىق شارالار ۇيىمداستىرىلادى. ناۋرىز ايىندا اقتوبەدە جۇلدە قورى 1 ملن.تەڭگەنى قۇرايتىن ۇستەل تەننيسىنەن «AQTÓBE-2019» اشىق حالىقارالىق ءتۋرنيرى وتەدى. ال, مامىر ايىندا "AQTÓBE RUN-2019" اشىق رەسپۋبليكالىق مارافونىن وتكىزۋدى جوسپارلاپ وتىرمىز», - دەدى جوسپارلارىمەن بولىسكەن باسقارما باسشىسى.
اقتوبەدە العاش رەت وتەتىن رەسپۋبليكالىق جازعى مارافون اياسىندا ازيا, افريكا, اۆستراليا جانە امەريكانىڭ ءىرى شولدەرىن جالعىز جۇگىرىپ وتكەن مارافونشى, حالىقارالىق دارەجەدەگى سپورت شەبەرى ماستەر-كلاسس ۇيىمداستىرادى.
سونىمەن قاتار, وبلىس اۋماعىندا بىرنەشە سپورت تۇرىنەن ءىرى رەسپۋبليكالىق جارىستار وتەدى. اتاپ ايتقاندا, قر ح جازعى ۋنيۆەرسياداسى, جۇزۋدەن قر-نىڭ V سپارتاكياداسى, قر پاراليمپيادالىق ويىندارى, ۇلتتىق سپورت تۇرلەرىنەن رەسپۋبليكالىق V فەستيۆال وتەدى.
«مامىر ايىندا ونىنشى جازعى ۋنيۆەرسيادا اياسىندا سپورتتىڭ 18 ءتۇرى بويىنشا جارىستار وتەدى. وعان ەلىمىزدىڭ جوو-نىڭ 9 مىڭنان استام ستۋدەنتى قاتىسادى.ۋنيۆەرسيادا ەكى جىلدا ءبىر رەت ۇيىمداستىرىلادى. سپورتتىق جارىستاردىڭ قورىتىندىسى بويىنشا قر-نىڭ ستۋدەنتتىك قۇراماسى جاساقتالىپ, ەلىمىزدى يتالياداعى دۇنيەجۇزىلىك ۋنيۆەرسيادادا تانىستىراتىن بولادى. ماۋسىم ايىندا 600 سپورتشىنىڭ قاتىسۋىمەن جۇزۋدەن قر-نىڭ V سپارتاكياداسى وتەدى, ال تامىز ايىندا IV پاراليمپيادا ويىندارىنىڭ مىڭعا جۋىق قاتىسۋشىلارىن قارسى الامىز. رەسپۋبليكانىڭ ءار وڭىرىنەن كەلگەن سپورتشىلار پاراليمپيادالىق سپورتتىڭ 10 تۇرىنەن ونەر كورسەتەتىن بولادى», - دەدى مەيرامبەك ماحامبەتوۆ.
سونداي-اق, اعىمداعى جىلدىڭ 18-25 قىركۇيەگى ارالىعىندا " ۇلى دالانىڭ مۇراگەرلەرى" حالىقارالىق فورۋمى اياسىندا ۇلتتىق سپورت تۇرلەرىنەن V رەسپۋبليكالىق فەستيۆال وتكىزۋ جوسپارلانۋدا. جارىس بايگە, كوكپار, اۋدارىسپاق, تەڭگە ءىلۋ, توعىزقۇمالاق, اسىق اتۋ – بەس تاس, قازاق كۇرەسى, جامبى اتۋ, قۇسبەگىلىك, جەكپە-جەك سەكىلدى سپورت تۇرلەرىنەن وتەتىن بولادى. وعان ەلىمىزدىڭ ءار وڭىرىنەن 2 مىڭعا جۋىق سپورتشى جينالادى.
