جاڭادان اشىلاتىن ەت كومبيناتتارىنىڭ ءونىم دايىنداۋ قۋاتتىلىعى تاۋلىگىنە 91 000 توننا بولادى دەپ كۇتىلۋدە. ياعني, جاقىن كۇندەرى ىسكە قوسىلاتىن «يمپەريا فۋد» كاسىپورىنى 8 000 توننا, «لۋنيۋان-جەتىسۋ» مەن «قايىڭدى» ەت زاۋىتتارى 16 000 توننا, «Inalca» كاسىپورىنى 21 000 توننا جانە «باۋمان» ەت جانە ەت ونىمدەرى زاۋىتى 30 000 توننا ەتتى تاۋلىگىنە ءوندىرىپ, ىشكى-سىرتقى نارىققا شىعارماقشى.
- ەلباسى ەڭبەك ونىمدىلىگىن جانە اۋىل شارۋاشىلىعى سالاسىنداعى وڭدەلگەن ءونىم ەكسپورتىن 2022 جىلعا قاراي 2,5 ەسە ۇلعايتۋ تۋرالى تاپسىرما بەرگەن بولاتىن. بۇل باعىتتا الماتى وبلىسىنداعى ەكسپورت ۇلەسى سويانىڭ, كۇنباعىستىڭ, ۋىتتىڭ, كراحمال ونىمدەرىنىڭ, بالىق پەن بالىق ونىمدەرى ەكسپورتىنىڭ ءوسۋى ەسەبىنەن 37 پروتسەنتكە ءوستى. تابىس 57 ملن. اقش دوللارىنا دەيىن ۇلعايدى. ال ەت ەكسپورتىنا سۇرانىس جىل سايى نارتىپ كەلەدى. بىلتىر سيىر ەتىن دايىنداۋ 7 پروتسەنتكە ءوسىپ, ەكسپورت كولەمى 1000 تونناعا جەتتى, - دەدى الماتى وبلىسىنىڭ اكىمى اماندىق باتالوۆ.
قالماحانبەت مۇقامەتقالي,
«Egemen Qazaqstan»
الماتى وبلىسى
