ولەڭ ولكەسىنە دە بىرگە كەلدى. الايدا تۋعان توپىراعىنىڭ تابيعاتىنا تەرەڭ بويلاعان جاقسىلىق اقىن قايتادان اۋليەاتا وڭىرىنە كەلىپ, ءار جىلدارى ءتۇرلى قىزمەتتەردى اتقاردى. قازاق جۋرناليستيكاسىنا دا ۇلەس قوسىپ, رەسپۋبليكالىق «سوتسياليستىك قازاقستان» گازەتىنىڭ جامبىل وڭىرىندەگى مەنشىكتى ءتىلشىسى بولىپ جانە وبلىستىق «ەڭبەك تۋى» گازەتىندە جۇمىس ىستەدى.
جاقسىلىق ساتىبەكوۆ ولەڭسۇيەر قاۋىمعا سوعىس قاسىرەتىن جىرلاعان «قارا كەمپىر» ولەڭىمەن دە بەلگىلى. بۇل ءاننىڭ التىنبەك قورازباەۆتىڭ ورىنداۋىندا تالاي ادامنىڭ ازا بويىن قازا قىلعانى دا راس. جۋىردا تاراز قالاسىنداعى اقىن تۇرعان ۇيگە ەسكەرتكىش تاقتا ورناتىلدى. اقىن بۇل ۇيدە 1969 جىلدان باستاپ, ءوزى ومىردەن وتكەن 2011 جىلعا دەيىن تۇرعان. جيىنعا اقىننىڭ جارى, ۇل-قىزدارى, تۋىستارى مەن اقىننىڭ كوزىن كورگەن ەل ازاماتتارى قاتىستى.
ءوز سوزىندە جامبىل وبلىستىق قوعامدىق كەڭەستىڭ توراعاسى جاندار كارىباي ۇلى جاقسىلىق اقىننىڭ اقىندىق جانە قايراتكەرلىك قاسيەتىنە توقتالىپ, ەستەلىكتەرىمەن ءبولىستى. سونىمەن قاتار, تاراز قالاسى اكىمىنىڭ ورىنباسارى كەنجەبەك ولجاباي اقىن ەسىمى ەل ەسىندە ماڭگى ساقتالاتىنىن, اۋليەاتا ءوڭىرى جاقسىلىق ساتىبەكوۆپەن ماقتاناتىنىن جەتكىزدى. ال, اقىننىڭ جارى ءازيزا قالىعۇلوۆا اقىنىن ارداقتاپ كەلگەن كوپشىلىككە العىسىن ايتىپ, جاقسىلىق اقىنمەن بىرگە وتكىزگەن جاقسى كۇندەرىنەن ەستەلىكتەر ايتتى. بۇدان كەيىن اقىننىڭ ەسكەرتكىش تاقتاسىنىڭ سالتاناتتى جاعدايدا اشىلۋ ءراسىمى ءوتتى.
حاميت ەسامان,
«Egemen Qazaqstan»
جامبىل وبلىسى
