جاستار جىلىنا وراي ۇيىمداستىرىلعان كەزدەسۋ بارىسىندا ستۋدەنتتەر وزدەرىن تولعاندىرىپ جۇرگەن بىرقاتار ماسەلەگە قاتىستى سۇراقتارعا جاۋاپ ىزدەدى. سونداي-اق, «جاس وتان» جاستار قاناتىنىڭ تىڭ جوبالارىمەن تانىسىپ, ءوز ويلارىمەن ءبولىستى.
– بيىل «جاس وتان» جاستار قاناتى 2019 جىلدىڭ جوسپارىنا ساي جۇمىس ىستەۋگە كىرىسىپ كەتتى. ماسەلەن, «جاستار - اۋىلعا» جوباسىن ۇيىمداستىرۋ ۇستىندەمىز. ءبىز بۇل جوبا ارقىلى اۋىلداردا ءىس-تاجىريبەدەن وتەتىن جاستاردى جينايمىز. سونىمەن قاتار, Digital nation, English for jastar, ء«بىلىم ورتالىقتارى» جوبالارى جالعاسىن تاپپاق. جاس ارحەولوگتار ءۇشىن «قۇس جولى» جوباسى ازىرلەنۋدە. سوندىقتان, 2019 جىل جاستارعا جاڭا مۇمكىندىكتەر بەرىپ, ءوز ويلارى مەن ماقساتتارىن ىسكە اسىرۋدا كوپ قولداۋ بولماق, – دەدى «جاس وتان» جاستار قاناتىنىڭ توراعاسى دانيار سۇندەتباەۆ.
جاستار جىلى جاس قازاقستاندىقتار ءۇشىن جاڭا مۇمكىندىكتەر سىيلاماق. قىزىقتى جوبالاردى ىسكە اسىرۋدا بارلىق جاعدايلار جاسالادى. ەلباسى نۇرسۇلتان نازارباەۆ ءار جاسقا ءوز قىرىن جاقسى جاعىنان كورسەتىپ, ودان ءارى اشىلۋعا مۇمكىندىك بەرۋدە. سوندىقتان, بارشا قازاقستاندىقتىڭ ءومىر ءسۇرۋ ساپاسىن جاقسارتۋعا باعىتتالعان جوبالاردى ىسكە اسىرۋدىڭ ۋاقىتى كەلدى.
– بۇل جىلدىڭ ءبىز ءۇشىن ماڭىزى زور. سەبەبى, وسى جىل «جاستار جىلى» بولىپ بەكىتىلدى. سوندىقتان, تىڭ جوبالاردى ىسكە اسىرۋدىڭ ۋاقىتى كەلدى. جاستارعا دۇرىس باعىت بەرىپ, تاربيەلەيتىن جوبالاردى كوپتەپ ويلاستىرۋ كەرەك,–دەيدى ۋنيۆەرسيتەت ستۋدەنتى يسلام بايراموۆ.
«مەملەكەتتىڭ ماعان بەرەرى نە؟» ەمەس, «مەنىڭ مەملەكەتكە تيگىزەر پايدام قانداي؟» دەگەن سۇراق ءار جاستى تولعاندىرۋى كەرەك-اق. وسى ماقساتتى ۇستانعان وبلىستىق «جاس وتان» جاستار قاناتىنىڭ توراعاسى سۇلتانبەك بەكەشەۆ الەۋمەتتى دامىتۋ ءۇشىن جاستارعا قولايلى جاعداي جاساۋ اسا قاجەت دەپ ءوز پىكىرىن ءبىلدىردى.
بايقال ءبايادىل,
«Egemen Qazaqstan»
كوكشەتاۋ قالاسى,
اقمولا وبلىسى.
