قحل-دا ونەر كورسەتكەن كەزدەن بەرى ەلوردالىق كلۋب ءوزىنىڭ ەڭ ۇزدىك كورسەتكىشىنە 2013/14 جىلعى ماۋسىمدا قول جەتكىزگەن. سول كەزدەرى جەرلەستەرىمىز 52 كەزدەسۋدە قارسىلاستار قاقپاسىن 182 مارتە ءدال كوزدەگەن ەدى. بيىلعى ماۋسىمدا اندرەي سكابەلكانىڭ شاكىرتتەرى 174 شايبانى قاقپاعا ەنگىزدى. ال تۇراقتى بىرىنشىلىكتىڭ اياقتالۋى ءۇشىن «بارىسقا» ءالى جەتى ويىن بارىن ەسكەرسەك, وندا جوعارىداعى كورسەتكىشتىڭ وزگەرۋى ابدەن مۇمكىن. الداعى كۇندەرى استانالىقتار ۋفانىڭ «سالاۆات يۋلاەۆ» (4 اقپان, قوناقتا), ءنوۆوسىبىردىڭ "سيبير» (12 اقپان, ۇيدە), قىتايدىڭ «كۋنلۋن» (14 اقپان, ۇيدە), ومبىنىڭ «اۆانگارد» (16 اقپان, ۇيدە), ۆلاديۆوستوكتىڭ «ادميرال» (18 اقپان, قوناقتا), حاباروۆسكىنىڭ «امۋر» (20 اقپان, قوناقتا) جانە قىتايدىڭ «كۋنلۋن» (22 اقپان, قوناقتا) كلۋبتارىنا قارسى وينايدى.
راسىندا دا «بارىس» بيىل وتە كوپ گول سوعىپ, ءوز كورەرمەندەرىن قۋانتۋدا. وسى كورسەتكىش جاعىنان ولار قحل-دا ءۇشىنشى ورىندا تۇر. جەرلەستەرىمىزدەن تەك سكا مەن «يوكەريت» قانا وزىپ تۇر. سانكت-پەتەربۋرتىك ۇجىم 187 رەت نىسانانى ءدال كوزدەسە, فيندەر 175 مارتە مەرگەندىك تانىتتى.
«بارىستىڭ» قحل-دا سوققان گولدار سانى
1 ماۋسىم (2008/09): 56 ويىن – 174 گول.
2 ماۋسىم (2009/10): 56 ويىن – 169 گول
3 ماۋسىم (2010/11): 54 ويىن – 155 گول
4 ماۋسىم (2011/12): 54 ويىن –160 گول
5 ماۋسىم (2012/13): 52 ويىن – 175 گول
6 ماۋسىم (2013/14): 54 ويىن – 182 گول
7 ماۋسىم (2014/15): 60 ويىن – 170 گول
8 ماۋسىم (2015/16): 60 ويىن – 167 گول
9 ماۋسىم (2016/17): 60 ويىن – 151 گول
10 ماۋسىم (2017/18): 56 ويىن – 148 گول.
عالىم سۇلەيمەن
«Egemen Qazaqstan»
