ايبەك كرامباەۆ اتىراۋ وبلىستىق اكىمدىگىندە كاسىپكەرلىك, ينۆەستيتسيا تارتۋ, مۇناي-گاز سەكتورى, سونىڭ ىشىندە قازاقستاندىق مازمۇن جانە تسيفرلاندىرۋ ماسەلەلەرىنە جەتەكشىلىك ەتەتىن بولادى. جاڭا ورىنباساردىڭ كانديداتۋراسى قازاقستان رەسپۋبليكاسى پرەزيدەنت اكىمشىلىگىمەن كەلىسىلگەن.
بۇرىن وسى سالاعا جاۋاپتى بولعان اتىراۋ وبلىسى اكىمىنىڭ ءبىرىنشى ورىنباسارى سەرىك شاپكەنوۆ ەندى ايماقتىڭ الەۋمەتتىك ماسەلەلەرىنە – دەنساۋلىق ساقتاۋ, ء بىلىم بەرۋ, جۇمىسپەن قامتۋ جانە الەۋمەتتىك قورعاۋ, ت.ب. جەتەكشىلىك جاسايدى.
ايبەك كرامباەۆتىڭ مەنەدجمەنت جانە ماركەتينگ سالالارىندا باكالاۆر, ماگيسترانت دارەجەلەرى بار. ءار جىلدارى ق.جۇبانوۆ اتىنداعى اقتوبە مەملەكەتتىك ۋنيۆەرسيتەتىن, قر پرەزيدەنتى جانىنداعى مەنەدجمەنت, ەكونوميكا جانە بولجامداۋ ينستيتۋتىن, ي.گۋبكين اتىنداعى رەسەي مەملەكەتتىك مۇناي-گاز ينستيتۋتىن بىتىرگەن.
ەڭبەك جولىن 1999 جىلى مۇناي كومپانياسىندا وپەراتور قىزمەتىنەن باستاعان, 2001-2005 جىلدارى جەكە كومپانيالاردا ماركەتينگ جانە تاريف ساياساتى ءبولىمىنىڭ باسشىسى, ىشكى گاز تاسىمالداۋ ءبولىمىنىڭ باسشىسى, ماركەتينگ مەنەدجەرى لاۋازىمدارىندا جۇمىس ىستەدى. 2005 – 2007 جىلدارى – «قازمۇنايگاز ۇك» اق كەلىسىم-شارت جونىندەگى مەنەدجەر, تەحنيكالىق توپ باسشىسى بولدى.
2007 – 2010 جىلدارى ۇلىبريتانيا, لوندون قالاسىندا قاراشىعاناق پەتروليۋم دەۆەلوپمەنت ليميتەد ۋاكىلەتتى ورگانى تەحنيكالىق توپتىڭ جەتەكشى وكىلى قىزمەتىن اتقارعان.
2010 – 2012 جىلدارى «سامۇرىق قازىنا» ۇلتتىق ءال-اۋقات قورى» اق قاراشىعاناق جوباسى بويىنشا ۋاكىلەتتى ورگانىندا تەحنيكالىق توپتى باسقاردى.
2012 جىلدىڭ تامىز- جەلتوقسان ايلارىندا «PSA» جشس قاراشىعاناق جوباسى بويىنشا باس مەنەدجەر قىزمەتىن اتقاردى.
2012 جىلدىڭ جەلتوقسانى مەن 2015 جىلدىڭ قاراشا ايى اراسىندا «PSA» جشس كەلىسىم-شارت مونيتورينگى جانە ماركەتينگى دەپارتامەنتىنىڭ ديرەكتورى بولدى.
2015 جىلدان بۇگىنگە دەيىن «PSA» جشس باسقارما مۇشەسى, بيزنەستى جانە جەرگىلىكتى قامتۋدى دامىتۋ بويىنشا باسقارۋشى ديرەكتور لاۋازىمىن اتقاردى.
نۇرلان نوعاەۆ ايبەك كرامباەۆتىڭ قازاقستان رەسپۋبليكاسىنىڭ مۇددەسىن ءىرى مۇناي-گاز جوبالارىندا قورعاعان, جەرگىلىكتى قامتۋدى دامىتۋ باعدارلاماسىن جۇزەگە اسىرۋعا, شەتەلدىك كومپانيالاردا كادرلاردى ۇلتتاندىرۋعا باقىلاۋ جاساعان تاجىريبەلى مامان ەكەنىن اتاپ ءوتتى. شەتەلدە جۇمىس ىستەگەن, 4 ءتىل, سونىڭ ىشىندە اعىلشىن, تۇرىك تىلدەرىن مەڭگەرگەن.
- جاڭا ورىنباساردىڭ تاجىريبەسى جۇكتەلگەن مىندەتتەردى اتقارۋعا سەپتىگىن تيگىزەدى دەگەن سەنىمدەمىن, - دەدى اتىراۋ وبلىسىنىڭ اكىمى.
باقىتگۇل باباش,
«Egemen Qazaqstan»
اتىراۋ
