حالىق قالاۋلىلارى ساپار بارىسىندا شيەلى اۋدانىنداعى قۋاتتىلىعى جىلىنا 1 ملن توننا تسەمەنت وندىرەتىن «گەجۋبا شيەلى تسەمەنت» زاۋىتىنىڭ جۇمىسىمەن تانىستى, جۇمىسشىلارىمەن اڭگىمەلەستى.
قازاقستان - قىتاي بىرلەسكەن كاسىپورنى «گەجۋبا شيەلى تسەمەنت» زاۋىتى وتكەن جىلدىڭ اياعىندا مەملەكەت باسشىسىنىڭ قاتىسۋىمەن وتكەن جالپىۇلتتىق تەلەكوپىر اياسىندا ىسكە قوسىلعان ەدى. جۇمىسشىلارمەن سۇحبات بارىسىندا:
- جوبالىق قۇنى 64 ملرد. تەڭگەنى قۇرايتىن كاسىپورىن يندۋستريالاندىرۋ كارتاسىنا ەنگىزىلگەن اۋدانداعى ءىرى جوبالاردىڭ ءبىرى. بۇگىنگى تاڭدا كومپانيا جەرگىلىكتى 200 ادامدى جۇمىسپەن قامتىپ وتىر. ولاردى وقىتۋ ماسەلەسى دە جولعا قويىلعان, - دەدى زاۋىت باسشىسىنىڭ ورىنباسارى الماس سۇرانشيەۆ
كەزدەسۋ بارىسىندا دەپۋتاتتار ەلباسى جولداۋىنداعى تاپسىرمالار اۋداندا جاقسى ورىندالىپ جاتقاندىعىن تىلگە تيەك ەتتى.
- تامپوناجدى تسەمەنت - قۇرىلىس, مۇناي جانە گاز سونداي-اق ۋران وندىرىسىندە كەڭ قولدانىسقا يە. زاۋىتتىڭ قۋاتتىلىعى دا وتە جوعارى. جاڭا تەحنولوگيالاردىڭ ەنگىزىلىپ جاتقانىن دا كوردىك.
تسيفرلاندىرۋ جاقسى جۇزەگە اسىرىلۋدا. سوندىقتان, زاۋىتتىڭ ەل ەكونوميكاسىنا قوسار ۇلەسى وتە زور. مەنىڭشە, مۇنداي الدىڭعى قاتارلى كاسىپورىنداردى ءارى قاراي دامىتىپ, ولاردىڭ اينالاسىندا كىشى جانە ورتا كاسىپكەرلىكتى جەتىلدىرۋىمىز كەرەك, - دەدى قر پارلامەنتى ءماجىلىسىنىڭ دەپۋتاتى, «نۇر وتان» پارتياسى فراكتسياسىنىڭ مۇشەسى بەيبىت مامراەۆ.
ءسوز ىڭعايىندا ايتا كەتسەك, بۇل جوبا 2015-2019 جىلدارعا ارنالعان يندۋستريالىق-يننوۆاتسيالىق دامۋ مەملەكەتتىك باعدارلاماسى اياسىندا جۇزەگە اسىرىلىپ جاتىر. باس مەردىگەر «چاينا تريۋمف ينتەرنەشنل» - حالىقارالىق كوشباسشى كومپانيالاردىڭ ساناتىندا سانالادى.
باقتيار تايجان,
«Egemen Qazaqstan»
قىزىلوردا وبلىسى
