اڭگىمە بارىسىندا ەكىجاقتى جانە كوپجاقتى الاڭداردا قازاقستان-امىرلىكتەر قارىم-قاتىناستارىنىڭ كەڭ اۋقىمدى ماسەلەلەرى تالقىلاندى. سىرتقى ىستەر مينيسترلەرى الداعى 2019 جىلى وتەتىن جوعارى دەڭگەيدەگى ءىس-شارالار جوسپارىن, ونىڭ ىشىندە ابۋ-دابي قالاسىندا وتەتىن يسلام ىنتىماقتاستىعى ۇيىمى مينيسترلەر كەڭەسىنىڭ 46-سەسسياسىنا قازاقستاننىڭ قاتىسۋىن تالقىلادى.
نەگىزگى ماسەلەلەردىڭ ءبىرى ساۋدا-ەكونوميكالىق جانە ينۆەستيتسيالىق ىنتىماقتاستىقتى كەڭەيتۋ بولدى. قازاقستان مەن بىرىككەن اراب امىرلىكتەرى اراسىنداعى ەكونوميكالىق قاتىناستاردى نىعايتۋدىڭ ماڭىزدى قۇرالى - قازاقستان-ءباا ساۋدا-ەكونوميكالىق ىنتىماقتاستىق جونىندەگى ۇكىمەتارالىق كوميسسياسى بولىپ تابىلادى, ونىڭ 7-ءشى وتىرىسى اعىمداعى جىلدىڭ مامىر ايىندا استانادا ءوتۋى جوسپارلانۋدا. تاراپتار ساۋدا-ەكونوميكالىق قاتىناستاردىڭ جوعارى دەڭگەيىنە جانە قازاقستان مەن ءباا اراسىنداعى ينۆەستيتسيانىڭ وسۋىنە قاناعاتتانۋىن ءبىلدىردى.
ب. اتامقۇلوۆ قر سىرتقى ىستەر مينيسترلىگىنىڭ ينۆەستيتسيالاردى تارتۋ جانە ەكسپورتتى ىنتالاندىرۋ بويىنشا جاڭا فۋنكتسيالارىنىڭ كونتەكستىندە ەكىجاقتى ەكونوميكالىق ىنتىماقتاستىق ودان ءارى كەڭەيە تۇسەتىنىنە سەنىم ءبىلدىردى.
ءباا سىرتقى ىستەر ءمينيسترى امىرلىكتەر 2022-2023 جىلدارعا بۇۇ قاۋىپسىزدىك كەڭەسىنە تۇراقتى ەمەس مۇشەسى رەتىندە ءوز كانديداتۋراسىن ۇسىنعانىن مالىمدەدى. وسىعان بايلانىستى شەيح ابداللا بەدەلدى حالىقارالىق ۇيىمداعى قازاقستاننىڭ تاجىريبەسىنە قىزىعۋشىلىق تانىتتى.
