بۇگىنگى كۇنى سالىق تولەۋشىنىڭ جانە ونىڭ مۇلكىنىڭ تىركەۋ ەسەبىن تەكسەرمەستەن جەكە شوتتارعا تولەمدەردى اۆتوماتتى تۇردە تولەۋ بويىنشا جۇيەلى فۋنكتسيونال قاراستىرىلعان.
ياعني, سالىق تولەۋشى دەرەكتەمەلەردە قاتە جىبەرگەن جاعدايدا (سالىق كودىن, تولەم كودىن نەمەسە سالىقتىق باسقارۋ كودىن دۇرىس كورسەتپەسە), وندا جۇيە سالىق تولەۋشىنىڭ ءوتىنىشىنسىز اۆتوماتتى تۇردە تولەمدى دۇرىس دەرەكتەمەلەرگە جىبەرەدى, ياعني اۆتوماتتى ەسەپتەۋدى جۇزەگە اسىرادى.
الايدا, ەسەپتەۋ وپەراتسيالارى مەن تەكسەرۋلەر كولەمىنىڭ كوپ بولۋىنا بايلانىستى جۇيە تۇراقتى جۇمىس ىستەمەيدى جانە اۆتوماتتى ەسەپتەۋدى تەز جۇرگىزۋگە مۇمكىندىك بەرمەيدى. وسى پروبلەمانى شەشۋ ءۇشىن مكك 2019 جىلى سەرۆەرلىك قۋاتتىلىقتى كۇشەيتۋ ءۇشىن جۇمىستار جۇرگىزەتىن بولادى.
سونداي-اق, اعىمداعى جىلدىڭ سوڭىنا دەيىن مەملەكەتتىك قىزمەت كورسەتۋ سالاسىندا ليدەر بولىپ تابىلاتىن ەستونيانىڭ تاجىريبەسى بويىنشا سالىق تولەۋدى تۇبەگەيلى جاقسارتۋ جوسپارلانىپ وتىر. سالىقتاردى تولەۋدىڭ بۇكىل پروتسەسى قايتا قارالىپ جاتىر جانە بىرىڭعاي ەلەكتروندىق ءاميان قۇرۋ ارقىلى ەلەكتروندى سالىق تولەۋ قىزمەتتەرىنە كوشۋ جوسپارلانۋدا.
سالىق تولەۋشى ءۇشىن ونىڭ بورىشتارى مەن بيۋدجەت الدانداعى مىندەتتەمەلەرى تۋرالى بارلىق اقپارات E.gov پورتالىنداعى ءبىر تەرەزەدە جەكە كابينەتىندە كورسەتىلەدى. تولەم بىرىڭعاي دەرەكتەمەلەردە جۇرگىزىلەدى, ياعني جۇيە بىرىڭعاي ەلەكتروندىق اميانعا كەلىپ تۇسكەن تولەمدى سالىقتىق مىندەتتەمەلەر تۋىنداعان ءتيىستى سالالارعا (دەكلاراتسيالار, ەسەپتەر, تەكسەرۋ اكتىلەرى, ۋاكىلەتتى ورگانداردىڭ مالىمەتى) اۆتوماتتى تۇردە جىبەرەدى. ياعني, تولەم تىركەۋ ورنى نەمەسە م ۇلىك ورنالاسقان جەرىنە قاراماستان, جسن بويىنشا اۆتوماتتى تۇردە جاسالادى. وسىلايشا سالىقتى قاتە تولەۋ جويىلادى.
