بۇعان قوسىمشا, قورعاستىق شەكاراشىلار كەشە تاعى دا 22 كگ يەسىز قىتاي ءدارى-دارمەگىن تاۋىپ, كەدەنشىلەرگە وتكىزدى.
پەتروپاۆلوۆسك شەكارا وتريادىنا قاراستى «قىزىلجار-اۆتو» وتكىزۋ بولىمشەسىندە ءبىزدىڭ ەلىمىزدەن رەسەيگە قاراي «گاز 3705» اكتسيزدىق ماركاسىز 550 بلوك تەمەكى ونىمدەرىن الىپ بارا جاتقان 53 جاستاعى قازاقستاندىق;
قورداي شەكارا وتريادىنىڭ «قاراسۋ-اۆتو» بولىمشەسىندە «يۆەكو دەيلي» اۆتوكولىگىمەن كورشى ەلدەن ءبىزدىڭ ەلىمىزگە قاراي 23 000 قوراپ تەمەكىنى رۇقسات قۇجاتتارىنسىز وتكىزبەك بولعان 51 جاستاعى قازاقستاندىق;
بەينەۋدە «نۇكۇس - بەينەۋ» باعىتىنداعى № 647 جولاۋشىلار پويىزىنىڭ كۋپەلەرىنىڭ بىرىندە, رۋندۋك استىنان 120 شولمەك (60 ليتر) اراق تابىلىپ, ونىڭ يەسى – 30 جاستاعى وزبەكستاندىق ازامات ۇستالدى.
قوستاناي شەكارا وتريادىنىڭ «قايراك-اۆتو» بولىمشەسىندەۆ ارنايى ۇيرەتىلگەن قىزمەتتىك ءيتتىڭ كومەگىمەن, رەسەيگە قاراي «ۆولۆو» جۇك كولىگىمەن ءوتىپ بارا جاتقان 38 جاستاعى قازاقستاندىق ۇستالدى. ونىڭ قالتاسىنان شەكاراشىلار سالماعى 20 گراممعا جۋىق سۇر-جاسىل ءتۇستى, وسىمدىك تەكتى, ۇنتاق زات تاپتى. ءيىسى مەن ءتۇرى گاشيش ەسىرتكىسىنە ۇقساس. ۇستالعان ازامات ايعاق زاتىمەن بىرگە قارابالىق اۋداندىق ىشكى ىستەر بولىمىنە تاپسىرىلدى.
سارىاعاش شەكارا وتريادىنىڭ «جىبەك جولى-اۆتو» بولىمشەسىندە شەكاراشىلار الدىن الا بەرىلگەن اقپاراتتار بويىنشا, ءبىزدىڭ ەلدەن وبەكستانعا قاراي ەكى «حيۋنداي سولياريس» جانە «كيا ريو» اۆتوكولىكتەرىمەن وتپەك بولعان ءۇش تاجىكستان ازاماتىن ۇستادى. ولار رەسەي فەدەراتسياسى اۋماعىندان ۇرلانعان اۆتوكولىكتەردى ءوز ەلدەرىنە ترانزيتپەن, قازاقستان اۋماعى ارقىلى الىپ وتپەك بولعان ەكەن. ۇستالعاندار اۆتوكولىكتەرىمەن بىرگە سارىاعاش اۋداندىق ىشكى ىستەر بولىمىنە تاپسىرىلدى.
