الەۋمەتتىك سالادا ۇلكەن وزگەرىستەر بولدى. مەملەكەت باسشىسىنىڭ تاپسىرماسىنا سايكەس, 2019 جىلعى 1 قاڭتاردان باستاپ ەڭ تومەنگى جالاقى 28 مىڭنان 42 500 تەڭگەگە دەيىن ءوستى. بىرلەسكەن زەينەتاقىنى يندەكساتسيالاۋدان كەيىن بازالىق زەينەتاقىنى ەسكەرە وتىرىپ, ەڭ جوعارى زەينەتاقى مولشەرى 116 811 تەڭگەنى قۇرادى, ەڭ تومەنى – 52145 تەڭگە, ەڭ تومەنگى كۇنكورىس دەڭگەيى – 29 698 تەڭگە. ءبىلىم بەرۋ, عىلىم جانە دەنساۋلىق ساقتاۋ سالاسىنا جۇمسالاتىن شىعىندار كەلەسى بەس جىلدا ءىجو-ءنىڭ 10% -ىنا دەيىن ارتادى دەپ كۇتىلۋدە.
بۇگىنگى باستى جانە ەڭ وزەكتى ماسەلەلەردىڭ ءبىرى – باسپانا جايى. بىلتىردان باستاپ «7-20-25» يپوتەكالىق باعدارلاماسى قولعا الىندى. وتكەن جىلى سەرىكتەس بانكتەر 44,2 ملرد تەڭگە سوماسىندا يپوتەكالىق نەسيە بەردى. ايماقتاردا قاتىسۋشىلار سانى بويىنشا كوشباسشى – استانا قالاسى, ودان كەيىنگى ورىندا الماتى قالاسى, ماڭعىستاۋ, اقتوبە, شىعىس قازاقستان جانە اقمولا وبلىستارى. بانكتەردىڭ ىشىندە تۇرعىن ءۇي ساتىپ الۋعا بەرىلگەن نەسيەلەردىڭ باسىم بولىگى تۇرعىن ءۇي قۇرىلىس جيناق بانكىنەن بەرىلگەن. 2018 جىلى بانكتىڭ 37 مىڭعا جۋىق سالىمشىلارى ءوز شارشى مەترىنە يە بولدى. ەڭ كوپ نەسيەلەر استانا (7,7 مىڭ نەسيە), الماتى (5,8 مىڭ نەسيە) قالالارى جانە اقتوبە وبلىسىندا (3,7 مىڭ نەسيە) بەرىلدى. ونداعى 37 مىڭ نەسيەنىڭ 42%-ى باستاپقى نارىقتا تۇرعىن ءۇيدى ساتىپ الۋعا, ال ەكىنشى نارىقتا 52%-دى قۇرادى.
جاھاندىق ەكونوميكالىق احۋالدىڭ تۋربۋلەنتتىلىگى جاعدايىندا قازاقستان جاڭا بيىكتەردى ودان ءارى ورىستەتەتىن زور الەۋەتكە يە.
ءمادينا نۇرعاليەۆا,
قازاقستان ستراتەگيالىق زەرتتەۋلەر ينستيتۋتى ديرەكتورىنىڭ ورىنباسارى
