گەنەرال-لەيتەنانت ت.مۇحتاروۆ بۇل كورسەتكىشتى قارۋلى كۇشتەردە تاربيە جانە يدەولوگيالىق جۇمىستار جۇيەلى تۇردە جۇرگىزىلەتىندىگىمەن, تاربيەلىك ءىس-شارالاردىڭ, اسكەري جانە قۇقىقتىق ءتارتىپتىڭ نىعايتىلۋىمەن جانە قولباسشىلاردىڭ بۇيرىقتارىنىڭ مۇلتىكسىز ورىندالۋىمەن بايلانىستىردى.
– قارۋلى كۇشتەر وتكەن جىلدى جاقسى كورسەتكىشتەرمەن اياقتادى. الدىمىزدا تۇرعان نەگىزگى مىندەتتەر تولىق ورىندالدى. وتكىزىلگەن ءىس-شارالار ەلىمىزدىڭ قورعانىس قابىلەتىن نىعايتىپ, اسكەري قىزمەتتىڭ بەدەلىن ارتتىردى. قارۋلى كۇشتەردىڭ جاۋىنگەرلىك ازىرلىگى مەن قابىلەتىنىڭ قاجەت ەتىلەتىن دەڭگەيىن قامتاماسىز ەتتى, – دەدى قورعانىس ءمينيسترىنىڭ ورىنباسارى.
ت.مۇحتاروۆ ودان ءارى بىلتىر جاۋىنگەرلىك دايارلىقتى پىسىقتاۋعا ارنالعان 116 ءىس-شارا, سونداي-اق 664-تەن اسا تاكتيكالىق وقۋ-جاتتىعۋ وتكىزىلگەندىگىن مالىمدەدى.
جالپى, قورعانىس مينيسترلىگى نەگىزگى كۇش-قۋاتىن جوعارعى باس قولباسشىنىڭ تاپسىرمالارىن ىسكە اسىرۋدا جاۋىنگەرلىك ازىرلىكتى جوعارى دەڭگەيدە ۇستاۋ جونىندەگى جوسپارلى مىندەتتەردى شەشۋگە, اسكەرلەردى قايتا جاراقتاندىرۋعا, كادر دايارلاۋ ساپاسىن ارتتىرۋعا, بەيبىتشىلىك پەن قاۋىپسىزدىكتى قولداۋ جونىندەگى حالىقارالىق مىندەتتەمەلەردى ورىنداۋعا, قارۋلى كۇشتەردىڭ قىزمەتىندەگى پروتسەستەردى اۆتوماتتاندىرۋ مەن تسيفرلاندىرۋعا, اسكەري قىزمەتشىلەر مەن ولاردىڭ وتباسى مۇشەلەرىنىڭ الەۋمەتتىك تۇرعىدان قورعالۋىنا باسىمدىق بەرگەن.
ماسەلەن, بىلتىر قىزمەتشىلەردىڭ باسپانا جاعدايىن جاقسارتۋ ماقساتىندا تۇرعىن ۇيمەن قامتاماسىز ەتۋدىڭ جاڭا مودەلى قولدانىسقا ەنگىزىلگەن.
– 2018 جىلدىڭ قاڭتار ايىنان باستاپ اي سايىن اسكەري قىزمەتشىلەردىڭ جەكە ارنايى شوتتارىنا ەكىنشى دەڭگەيلى بانكتەردە اسكەري قىزمەتتەگى ەڭبەك وتىلىنە قاراماستان, تۇرعىن ءۇي تولەمدەرى اۋدارىلا باستادى. وسىنىڭ ناتيجەسىندە 2 مىڭداي قىزمەتشى باسپانالى بولدى, 40 مىڭنان اسا جوعارى اسكەري قىزمەتشى تۇرعىن ءۇي تولەمدەرىمەن قامتاماسىز ەتىلدى, – دەدى ت.مۇحتاروۆ.
قورعانىس مينيسترلىگى ەلباسىنىڭ «رۋحاني جاڭعىرۋ» باعدارلاماسىنىڭ اياسىندا وسكەلەڭ ۇرپاققا رۋحاني-ادامگەرشىلىك جانە اسكەري-پاتريوتتىق تاربيە بەرۋدە دە بەلسەندىلىك تانىتقان.
– وقۋشىلاردىڭ پاتريوتتىق سانا-سەزىمىن, بەلسەندى ازاماتتىق ۇستانىمىن جانە وتانعا ادال قىزمەت ەتۋگە ازىرلىگىن قامتاماسىز ەتۋ ماقساتىندا قورعانىس مينيسترلىگىنىڭ ۇلتتىق اسكەري-پاتريوتتىق ورتالىعى جانىنان بارلىق وڭىرلەردەگى فيليالداردى قامتي وتىرىپ «جاس سارباز» رەسپۋبليكالىق اسكەري-پاتريوتتىق قوزعالىسى قۇرىلدى. سونداي-اق 2020 جىلعا دەيىن اسكەري-پاتريوتتىق جۇمىستى جەتىلدىرۋدىڭ «ۇلتجاندى سارباز» تۇجىرىمداماسىنىڭ جوباسى ازىرلەندى, – دەپ اتاپ كورسەتتى قورعانىس ءمينيسترىنىڭ ورىنباسارى.
سونىمەن قاتار ءباسپاسوز ءماسليحاتىندا جوعارى اسكەري بىلىكتى كادرلاردى دايىنداۋ ءبىلىم بەرۋدىڭ بارلىق دەڭگەيلەرىندە سەرجانتتاردان باستاپ گەنەرالدارعا دەيىنگى وقىپ-ۇيرەنۋشىلەردىڭ دايارلىعىنىڭ ساباقتاستىعىن قامتاماسىز ەتەتىن 9 اسكەري وقۋ ورنىن قامتيتىن ءبىلىم بەرۋدىڭ بىرىڭعاي كوپ دەڭگەيلى جۇيەسىندە وتكىزىلەتىندىگى ءمالىم بولدى.
گەنەرال-لەيتەنانت ت.مۇحتاروۆ ەلىمىزدىڭ 120 ادامدىق بىتىمگەرشىلىك روتاسى بىرىككەن ۇلتتار ۇيىمىنىڭ ليۆانداعى ۋاقىتشا كۇشتەرىنىڭ قاتارىندا تابىستى قىزمەت ەتىپ جاتقاندىعىنا دا توقتالدى.
سەرىك ابدىبەك,
«Egemen Qazaqstan»
