باتىس قازاقستان وبلىسىنىڭ بۇگىنگى ەكولوگيالىق جاعدايى, پروبلەمالىق ماسەلەلەرى, ونىڭ شەشۋ جولدارى مەن الدىن-الۋ شارالارى تۋرالى ءباسپاسوز ءماسليحاتىن وتكىزگەن ەربول قۋانوۆ ءبىر جىل ىشىندە وبلىستاعى كاسىپورىندار اۋاعا 63 مىڭ توننا زياندى قالدىق تاراتقانىن ايتادى. سالىستىرمالى تۇردە قاراساق, بۇل كوپ ەمەس. ويتكەنى 2018 جىلى بۇل كورسەتكىش اتىراۋ وبلىسىندا – 180 مىڭ, اقتوبە وبلىسىندا – 185 مىڭ توننا بولعان ەكەن.
قازاقستان رەسپۋبليكاسىنىڭ ەكولوگيالىق كودەكسىنە سايكەس, وڭىردە 1 ساناتتاعى 79 كاسىپورىن بار ەكەن. ونىڭ ىشىندە 60 كاسىپورىن ارنايى رۇقساتىن رەسىمدەپ قىزمەت اتقارۋدا. وسى 60 كاسىپورىننىڭ 19-ى – مۇناي-گاز سەكتورىنا تيەسىلى.
ەكولوگيا دەپارتامەنتى باسشىسىنىڭ ايتۋىنشا, 2018 جىلى وڭىردە 138 مىڭ توننا وندىرىستىك قالدىق شىعارىلعان. وسىنىڭ 108 مىڭ تونناسى – قاتتى-تۇرمىستىق قالدىقتار ەكەن. ايتا كەتۋ كەرەك, سوڭعى جىلدارى وبلىستا قوقىستى قايتا وڭدەۋ ماسەلەسى جولعا قويىلىپ كەلەدى. 2018 جىلى بارلىق قالدىقتىڭ 3,4 پايىزى وڭدەلگەن. بيىل ورال قالاسىندا قوقىس وڭدەۋشى جاڭا كاسىپورىن اشىلسا, 2025 جىلعا قاراي بارلىق قالدىقتىڭ 20%-عا جۋىعىن قايتا وڭدەۋ جوسپارلانىپ وتىر ەكەن.
باتىس قازاقستان وبلىستىق ەكولوگيا دەپارتامەنتى 2018 جىلى 157 تەكسەرۋ جۇرگىزىلىپ, 313 زاڭ بۇزۋشىلىق وقيعاسىن انىقتاعان. كىنالىلەرگە جالپى كولەمى 76 013,541 مىڭ تەڭگە بولاتىن 214 اكىمشىلىك ايىپپۇل سالىنىپ, ونىڭ 99,6%-ى مەملەكەت ەسەبىنە ءوندىرىلىپتى.
بۇدان بولەك, قورشاعان ورتاعا كەلتىرىلگەن زياندى وتەۋ تالابى بويىنشا 84 نۇسقاما بەرىلگەن.
قازبەك قۇتتىمۇرات ۇلى,
«Egemen Qazaqstan»
باتىس قازاقستان
