قازاقستان دەلەگاتسياسىن ءسىم كونسۋلدىق قىزمەت دەپارتامەنتىنىڭ ديرەكتورى تاۋبولدى ۇمبەتباەۆ, ال كورەي تاراپىن ءسىم شەتەلدەگى كارىستەر ىستەرى جانە كونسۋلدىق ماسەلەلەرى جونىندەگى بيۋرونىڭ باس ديرەكتورى ۆۋ ين شيك باسقاردى. ءىس-شاراعا سونداي-اق ەكى ەلدىڭ مۇددەلى قۇزىرەتتى ورگاندارىنىڭ وكىلدەرى دە قاتىستى.
اتالعان كونسۋلتاتسيالار بارىسىندا ەكى ەلدىڭ كونسۋلدىق سالاسىندا تۋىنداعان بىرقاتار وزەكتى ماسەلەلەر تالقىلاندى. اتاپ ايتقاندا, وڭتۇستىك كورەيانىڭ اۋماعىنا قازاقستان ازاماتتارىن كىرگىزبەي كەرى قايتارۋ, زاڭسىز ەڭبەك ميگرانتتاردىڭ قالىپتاسۋىنا جول بەرمەۋ جانە ونىڭ شەشۋ جولدارى, ەكى ەل ازاماتتارىنىڭ وزارالىق نەگىزدە قۇقىقتارىن قورعاۋ, شارت-قۇقىقتىق بازانى كەڭەيتۋ جانە تاعى باسقا ەكى تاراپقا ورتاق وزەكتى ماسەلەلەر تالقىلاندى.
كونسۋلتاتسيالاردىڭ ناتيجەسى بويىنشا تاراپتار جادناما جازبالارمەن الماستى.
