ءىس-شارادا پالاتا توراعاسى دەپۋتاتتاردىڭ زاڭ شىعارۋشىلىق جۇمىسى تۋرالى, سونىڭ ىشىندە, مەملەكەت باسشىسىنىڭ باستاماسىمەن قابىلدانعان زاڭدار تۋرالى اڭگىمەلەدى.
پالاتا سپيكەرى «قازفوسفات» زاۋىتىندا بولىپ, كاسىپورىننىڭ جۇمىسىمەن تانىستى. قازاقستانداعى حيميا ونەركاسىبى جاعىنان العاشقى قاتاردا تۇرعان كاسىپورىنعا بيىل 20 جىل تولادى.
وسى ۋاقىت ىشىندە «قازفوسفات» تەك ەلىمىزدە عانا ەمەس, باسقا شەت مەملەكەتتەرگە دە فوسفور ونىمدەرىن شىعاردى. سونىمەن بىرگە, تمد, قىتاي, شىعىس جانە باتىس ەۋروپا ەلدەرىنە جول تاۋىپ, الەمدىك دەڭگەيدەگى ءىرى ءوندىرىس ورنىنا اينالدى. قازىرگى ۋاقىتتا ەلىمىز بويىنشا 7 فيليال اشىلىپ, ول 6 مىڭنان استام ازاماتتى جۇمىسپەن قامتاماسىز ەتىپ وتىر.
ەڭبەك ۇجىمىمەن كەزدەسۋ بارىسىندا پالاتا سپيكەرى ەلباسىمىز نۇرسۇلتان ءابىش ۇلى نازارباەۆ تاۋەلسىزدىك العان كۇننەن باستاپ, ءاربىر وبلىستىڭ, ءاربىر اۋداننىڭ, ءاربىر قالانىڭ دامۋىنا زور كوڭىل ءبولىپ كەلە جاتقانىن, سونىڭ ىشىندە, ءتۇرلى-ءتۇستى مەتالدارعا, باريتكە, فوسفاتتارعا باي جامبىل وبلىسىنىڭ ورنى وتە ماڭىزدى ەكەنىنە توقتالدى.
ەلباسىمىزدىڭ ساليقالى ساياساتىنىڭ ارقاسىندا مەملەكەتىمىزدىڭ وڭدەۋ ونەركاسىبى 9,5 ترلن. تەڭگەگە دەيىن ارتىپ, وتاندىق ونىمدەرىمىز الەمنىڭ 110 ەلىندە ساتىلىپ كەلەدى. مەملەكەتىمىزدە جۇرگىزىلگەن ءىرى رەفورمالاردىڭ ارقاسىندا قازاقستاندىقتاردىڭ تۇراقتى تابىس تابۋىنا كەڭ جول اشىلدى, – دەدى ن. نىعماتۋلين.
سونىمەن قاتار, پالاتا سپيكەرى ەلىمىزدەگى الەۋمەتتىك جاعدايعا توقتالىپ, تاۋەلسىزدىڭ العان جىلداردان باستاپ ەلىمىزدەگى جالاقى كولەمى 4 ەسەگە دەيىن وسكەنىن, ءبىر ميلليوننان استام قازاقستاندىقتار تۇرعىن ۇيمەن قامتاماسىز ەتىلگەنىن, الداعى بەس جىلدا پرەزيدەنتىمىزدىڭ الەۋمەتتىك باعدارلاماسى اياسىندا 70 ميلليون شارشى مەتردەن استام تۇرعىن ءۇي سالۋ جوسپارلانعانىن, ول 2 ميلليوننان استام ادامعا باسپانالى بولۋعا مۇمكىندىك بەرەتىنىن ايتتى.
بۇگىنگى تاڭدا ەلىمىزدىڭ العا قويعان ماقساتى دامىعان 30 ەلدىڭ قاتارىنا جەتۋ. وسى جولدا الەمدىك نارىققا جول تاپقان جامبىل وبلىسىنىڭ دا ۇلەسى زور. قازىردىڭ وزىندە دە كوپتەگەن جەتىستىكتەرگە قول جەتكىزگەن. مىسالى, وبلىس بويىنشا ءوندىرىس كولەمى وتكەن جىلى 400 ملرد تەڭگەنى قۇراسا, جۇمىس ىستەپ تۇرعان شاعىن كاسىپورىندار سانى 63 مىڭنان اسقان.
جامبىل وبلىسىنىڭ قارقىندى دامۋىنا نازار اۋدارعان ءماجىلىس توراعاسى:
وبلىس جىل سايىن جوعارى دەڭگەيدە دامىپ كەلە جاتىر. سونىمەن بىرگە, «قازاقستان - 2050» باعدارلاماسى, ءبىزدىڭ جارقىن بولاشاعىمىزدىڭ باستى باعدارى بولىپ تابىلادى. سوندىقتان, سىزدەردىڭ قاجىرلى ەڭبەكتەرىڭىز, ءبىزدىڭ زاڭ شىعارۋ جۇمىسىمىز بارلىعى دا تۋعان ەلىمىزدىڭ ءوسىپ-وركەندەۋى جولىنداعى يگى قادامداردى جۇزەگە اسىرۋ بولىپ تابىلادى. الداعى ۋاقىتتا دا ءبىز ورتاق ماقسات جولىندا بىرلەسە قىزمەت ەتەتىن بولامىز. وسى جولدا ەڭ ءتيىمدى باعىت – ول دەپۋتاتتاردىڭ سايلاۋشىلارمەن كەزدەسۋى ەكەنى ءسوزسىز. بۇل كەزدەسۋلەر حالقىمىز ءۇشىن دە, ءبىز ءۇشىن دە وتە ماڭىزدى, - دەدى.
ودان ءارى كەزدەسۋ بارىسىندا ءماجىلىس توراعاسى نۇرلان نىعماتۋلين جامبىل وبلىسىنىڭ جاستارىمەن «جاستار جىلىنىڭ» اشىلۋىنداعى مەملەكەت باسشىسىنىڭ كورسەتكەن قولداۋى تۋرالى ايتتى.
كەزدەسۋ كوپ جىلدىق تاريحى بار, بۇگىندە ەلىمىزدەگى ەڭ ۇزدىك وقۋ ورىندارىنىڭ قاتارىنا كىرەتىن مۇحاممەد حايدار دۋلاتي اتىنداعى تاراز مەملەكەتتىك ۋنيۆەرسيتەتىندە ءوتتى.
وعان جامبىل وبلىسىنداعى جەتەكشى وقۋ ورىندارىنىڭ ستۋدەنتتەرى, جاستار قوزعالىسىنىڭ كوشباسشىلارى جانە جاس عالىمدار قاتىستى.
ن. نىعماتۋلين جاستارمەن كەزدەسۋ بارىسىندا بيىلعى جىل جاستار ءۇشىن ەرەكشە كەزەڭ ەكەنىنە توقتالدى.
- پرەزيدەنتىمىز «جاستار جىلىندا» جاس قازاقستاندىقتاردى قولداۋدىڭ ناقتى جولدارىن ۇسىنىپ وتىر. ول ەڭ الدىمەن, جاس وتباسىلارعا ارنالعان باسپانا ماسەلەسى. مەملەكەت باسشىسى ءىرى قالالاردا جۇمىس ىستەيتىن جاستار ءۇشىن جىلىنا ءبىر ميلليون پاتەردەن كەم ەمەس قۇرىلىستى قامتاماسىز ەتۋدى جانە بارلىق كاسىپورىندارعا جاس قىزمەتكەرلەر ءۇشىن باسپانا جاعدايىن جاساۋعا بەلسەنە قاتىسۋدى تاپسىردى, - دەدى پالاتا سپيكەرى.
ءماجىلىس توراعاسى مەملەكەت باسشىسىنىڭ جاستارعا كورسەتكەن قامقورلىعى تۋرالى ايتىپ, جاستار بەلسەندىلىگىن ارتتىرۋ جولىندا ەڭبەك قابىلەتىمەن قاتار, دەنساۋلىق, رۋحاني ماسەلەلەرى دە, ارقاشاندا باستى نازاردا ەكەنىنە توقتالدى.
- وسى ورايدا, مەملەكەت باسشىسىنىڭ «رۋحاني جاڭعىرۋ» باعدارلاماسى جانە « ۇلى دالانىڭ جەتى قىرى» ماقالاسى وسكەلەڭ ۇرپاقتىڭ رۋحاني بايلىعىن, دەنساۋلىعىن ارتتىرۋعا ەرەكشە ىقپال ەتەتىنى ءسوزسىز. بۇل جۇمىستاردىڭ بارلىعى سىزدەردىڭ ومىرلەرىڭىزدى جاقسارتۋ ءۇشىن, قوعامداعى رولدەرىڭىزدى نىعايتۋ ءۇشىن, باسەكەگە قابىلەتتى كۇشەيتۋ ءۇشىن جاسالىپ جاتقان شارالار,- دەدى ن.نىعماتۋلين.
پالاتا سپيكەرى وسى اۋقىمدى شارالاردىڭ بارلىعىن زاڭ جاعىنان جان-جاقتى قولداۋ قاجەتتىگى تۋرالى ايتىپ, ەلباسىمىزدىڭ بارلىق باستامالارىن ساپالى زاڭدارمەن قامتاماسىز ەتۋ – ول ءبىزدىڭ پارلامەنت دەپۋتاتتارىنىڭ باستى مىندەتى ەكەنىنە نازار اۋداردى. سونداي-اق, وسى جولدا, «مەملەكەتتىك جاستار ساياساتى تۋرالى» جانە «ۆولونتەرلىك قىزمەت تۋرالى» زاڭدار قابىلدانعانىن, مەملەكەتتىك جاستار ساياساتىنىڭ 2020 جىلعا دەيىنگى باعدارلاماسى بار ەكەنىن جانە جاقىن ۋاقىتتا ماجىلىستە «پەداگوگ مارتەبەسى تۋرالى» جانە باسقا دا ءبىلىم سالاسىنا قاتىستى زاڭ جوبالارى قارالاتىنىن جەتكىزدى.
- جامبىل وبلىسىندا وتكەن كەزدەسۋلەر ەلباسىمىز نۇرسۇلتان ءابىش ۇلى نازارباەۆتىڭ بارلىق باستامالارى جەرگىلىكتى جەرلەردە تابىستى ورىندالىپ جاتقانىن كورسەتتى. اسىرەسە, الەۋمەتتىك سالا, تسيفرلاندىرۋ, كاسىپورىنداردى جاڭعىرتۋعا ارنالعان جوبالار حالقىمىزدىڭ ءومىر ساپاسىن جاقسارتىپ, جاڭا جۇمىس ورىندارىن اشۋعا مۇمكىندىك بەرىپ وتىر. الداعى ۋاقىتتا دا وسى ماڭىزدى جۇمىستار وبلىستىڭ دامۋىنا, سونىمەن بىرگە, جاستاردى جان-جاقتى قولداۋعا سەرپىن بەرەتىنى ءسوزسىز, - دەدى پالاتا توراعاسى.
