ەلباسى مەملەكەتتىك جانە سالالىق باعدارلامالاردى ۋاقتىلى ءارى ساپالى ىسكە اسىرۋدىڭ, سونداي-اق حالىقتىڭ ءال-اۋقاتىن ودان ءارى ارتتىرۋ ءۇشىن شارالار قابىلداۋدىڭ ماڭىزدى ەكەنىن اتاپ ءوتتى.
– قوستاناي وبلىسىنىڭ ماكروەكونوميكالىق كورسەتكىشتەرىنىڭ ءوسۋ قارقىنى ساقتالىپ وتىر. 2017 جىلمەن سالىستىرعاندا ونەركاسىپ ءوندىرىسى 8,3 پايىزعا, قۇرىلىس سالاسى 22,3 پايىزعا ءوسىپ, 300 مىڭ شارشى مەترگە جۋىق تۇرعىن ءۇي پايدالانۋعا بەرىلدى, – دەدى ا.مۇحامبەتوۆ.
سونىمەن قاتار, قوستاناي وبلىسىنىڭ اكىمى قازاقستان پرەزيدەنتىنە اۆتوموبيل ءوندىرىسىن دامىتۋ, ينۆەستيتسيا تارتۋ جانە يندۋستريالىق جوبالاردى ىسكە اسىرۋ جۇمىستارىنىڭ ناتيجەلەرى تۋرالى مالىمدەدى.
– وبلىستا يندۋستريالىق ايماق قۇرىلۋدا. سونىڭ اياسىندا 11 جوبا ازىرلەنىپ جاتىر. سونىڭ ىشىندەگى ەڭ ءىرىسى – اۋىل شارۋاشىلىعى حابىن قۇرۋ. ونىڭ قۇرامىنا 600 مىڭ توننالىق قۋاتى بار ارنايى ماقساتتاعى ۇن وندىرەتىن, جىلىنا 1 ميلليون توننا جەم دايىندايتىن, گليۋتەن وندىرەتىن جانە مايلى داقىلداردى قايتا وڭدەيتىن تسەحتار كىرەدى. بۇل جوبا اۋىل شارۋاشىلىعىنداعى ونىمدىلىكتى ارتتىرۋعا باعىتتالعان, – دەدى ا.مۇحامبەتوۆ.
قوستاناي وبلىسىنىڭ اكىمى اۋىل شارۋاشىلىعى تەحنيكاسىن ءوندىرۋ, قۇرىلىس ماتەريالدارىن شىعارۋ, ارقالىق قالاسىنداعى ەت وڭدەۋ كەشەنىن دامىتۋ سالالارىنا قاتىستى جوبالاردى جۇزەگە اسىرۋ, سونداي-اق شاعىن جانە ورتا كاسىپكەرلىكتى قولداۋ شارالارى جونىندە ايتتى.
كەزدەسۋ سوڭىندا نۇرسۇلتان نازارباەۆ بىرقاتار ناقتى تاپسىرما بەردى.
