ماڭعىستاۋدا سوڭعى 2 ايدا 371 ادام كورسەتىلەتىن مەملەكەتتىك قىزمەت تۇرلەرىنە وڭ باعا بەرگەن. اتالعان ءموبيلدى قوسىمشانىڭ ەرەكشەلىگى قىزمەت الۋشى مەملەكەتتىك كورسەتىلەتىن قىزمەتتىڭ ساپاسىن شىنايى ۋاقىت رەجيمىندە باعالاي الادى.
ول ءۇشىن «Play Market» جانە «App Store» سەرۆيستىك باعدارلامالارى ارقىلى ءموبيلدى قوسىمشانى جۇكتەپ, ورناتىلعاننان كەيىن تىركەۋدەن ءوتۋ قاجەت. سودان سوڭ, باعالايتىن قالا مەن مەكەمەنى تاڭدايدى. باعالاۋ جولدانعاننان كەيىن اگەنتتىكتىڭ ءتيىستى اۋماقتىق بولىمشەلەرىنىڭ جاۋاپتى تۇلعالارى ءوز قۇزىرەتى شەگىندە ارەكەت ەتەدى.
قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ مەملەكەتتىك كورسەتىلەتىن قىزمەتتەر باسقارماسىنىڭ جەتەكشى مامانى تاعان ساريەۆتىڭ ايتۋىنشا, قازىرگى ۋاقىتتا قىزمەت الۋشىلار حالىققا قىزمەت كورسەتۋ بويىنشا بولىمدەردىڭ, قالا جانە اۋداندىق مەملەكەتتىك كىرىستەر باسقارمالارىنىڭ, سونداي-اق, ەڭبەك, الەۋمەتتىك قورعاۋ جانە كوشى-قون كوميتەتىنىڭ دەپارتامەنتىمەن كورسەتىلەتىن مەملەكەتتىك قىزمەتتەردىڭ ساپاسىن باعالاي الادى.
-ماسەلەن, قىزمەت الۋشىعا پەرسونال دورەلكىلىك تانىتۋى مۇمكىن نەمەسە كەزەكتە ۇزاق تۇرىپ قالۋىڭىز عاجاپ ەمەس, سونىمەن قاتار مۇمكىندىگى شەكتەۋلى جاندارعا جاعداي جاسالماعان بولسا جانە تاعى باسقا ماسەلەلەر بويىنشا ۋاكىلەتتى ورگانداردى حاباردار ەتىپ, ماسەلەنى 5 مينۋتتا شەشۋ مۇمكىندىگى بار. وسىلايشا ءاربىر ازامات كورسەتىلگەن مەملەكەتتىك قىزمەتتەر بويىنشا كەرى بايلانىس ورناتا وتىرىپ, اگەنتتىكتىڭ كومەگىمەن ماسەلەسىن شەشۋگە مۇمكىندىك الىپ وتىر. بارلىق ازاماتتاردى مەملەكەتتىك كورسەتىلەتىن قىزمەتتەردى باعالاۋدى جانە اتالعان قوسىمشانى قولدانۋعا شاقىرامىز, دەيدى ول.
گۇلايىم شىنتەمىرقىزى,
«Egemen Qazagstan»
ماڭعىستاۋ وبلىسى
