اشىلۋ سالتاناتىنا قر اقپارات جانە كوممۋنيكاتسيالار مينيسترلىگى اقپارات كوميتەتىنىڭ توراعاسى ەرجان نۇكەجانوۆ پەن استانا فۋتبول فەدەراتسياسىنىڭ پرەزيدەنتى ماليك حاسەنوۆ جانە باق جەتەكشىلەرى قاتىستى.
ايتا كەتۋ كەرەك, بيىلعى ماۋسىم تولىعىمەن قر اقپارات جانە كوممۋنيكاتسيالار مينيسترلىگىنىڭ قولداۋىمەن وتۋدە. 2016 جىلى باستاۋ العان بىرىنشىلىككە بيىل باق وكىلدەرىنەن 15 كوماندا قاتىسۋعا ءوتىنىش ءبىلدىرىپتى.
«BAQ league» – قازاقستان جۋرناليستيكاسىنىڭ تاريحىنداعى تۇڭعىش جانە جالعىز تولىققاندى فۋتبول بىرىنشىلىگى. بۇل جوبا باق وكىلدەرى اراسىنداعى ىنتىماقتاستىق پەن دوستىقتى ارتتىرىپ, جاڭا تانىستار تابۋعا جول اشىپ, رەداكتسيا ىشىندەگى تاتۋلىقتى كۇشەيتەتىنى ءسوزسىز. ءتىپتى, ەلوردادا وتەتىن BAQ league بىرىنشىلىگىنە اپتا سايىن الماتى, قاراعاندى, قوستاناي, پاۆلودار, شىمكەنت قالالارىنىڭ دا جۋرناليستەرى كەلىپ قاتىسىپ جاتىر. بۇل ليگانىڭ قارقىندى دامىپ جاتقانىن جانە جۋرناليستەر قاۋىمى اراسىندا ماڭىزىنىڭ ارتقاندىعىنىڭ بەلگىسى.
بۇگىندە «BAQ league» ءار ماۋسىم سايىن 30-دان اسا باق رەداكتسيالارى مەن 300-دەن استام ءجۋرناليستىڭ باسىن بىرىكتىرەتىن ەلەۋلى جوباعا اينالدى. 2018 جىلدان باستاپ جۋرناليستەر بىرىنشىلىگى ەكى ليگاعا بولىنگەن. «ا» ليگاسىنىڭ كوماندالارى جۇلدەلى ورىنداردى ءوزارا ساراپقا سالسا, «ۆ» ليگاسىنىڭ كوماندالارى جوعارى توپتىڭ جولدامالارىنا تالاسادى. «ا» ليگاسىندا «ەگەمەننىڭ» كومانداسىنا دا توپ تەبۋدە. ەگەمەندىكتەر ءتورتىنشى ماۋسىمدا جۇلدەلى ەكىنشى ورىن العانىن ايتا كەتەيىك.
بەسىنشى ماۋسىم 2019 جىلدىڭ 21 ساۋىرىنە دەيىن جالعاسادى. ويىنداردىڭ بارلىعى نازارباەۆ ۋنيۆەرسيتەتتىڭ سپورت كەشەنىندە وتەدى.
«ەگەمەن-اقپارات»
