جاڭاقالا اۋدانىنىڭ اۋماعىندا 2019 جىلدىڭ 17 قاڭتار كۇنى ساعات 09:00-دە اۋداندىق توتەنشە جاعدايلار بولىمىنە بقو جاڭاقالا اۋدانى جاڭاجول ا/و اكىمى ازامات ا.ق.ورازاليەۆتان 2019 جىلدىڭ 16 قاڭتار كۇنى ساعات 09:32-دە جاڭاقالا اۋدانى جاڭاجول ا/و قاراستى سارىكول ەلدى مەكەنىنىڭ تۇرعىنى تۇراشەۆ التاي جاقسىلىق ۇلى (20.07.1978 ج.ت.) جەكە اتىمەن دالاعا (سيىر) مالىن ىزدەۋگە شىعىپ, كەرى ۇيىنە قايتپاعانى تۋرالى حابار ءتۇستى. حابار الىسىمەن جاڭاقالا اۋدانى جاڭاقالا اۋىلىنان 2 ۋاز (تابلەتكا), 3 نيۆا اۆتوكولىكتەرى شىعىپ, ءوسب-دەن 2 ادام, جاڭاقالا اۋدانى تجب-سىنان 1 ادام, جەرگىلىكتى اتقارۋشى ورگاننان 3 ادام, جاڭاقالا اۋدانى ىشكى ىستەر بولىمىنەن ايدارحان ا.و. پوليتسيا بولىمىنەن 1 ادام جانە جەرگىلىكتى تۇرعىنداردان 13 ادام شىعىپ, ىزدەستىرۋ جۇرگىزدى. ىزدەستىرۋ ناتيجەسىندە 17.01.2019 ج. ساعات 18:25-تە جوعالعان ازامات ا.ج. تۇراشەۆ جاڭاجول ا/و سارىكول ەلدى مەكەنىنەن 65 شاقىرىم جەردەن تابىلدى, دەنساۋلىعى جاقسى, ەشبىر جەرىن ۇسىك شالماعان, جىلى جەرگە ورنالاستىرىلدى.
الداعى ۋاقىتتا جاڭاقالا اۋدانى توتەنشە جاعدايلار ءبولىمى بارشاڭىزعا قىس ايلارىندا اۋا رايى قولايسىز كۇندەرى ۇيالى تەلەفونىڭىزعا «112» نومىرىنەن حابارلاما كەلسە, الىس ساپارعا شىقپاي, ۇيدە بولۋلارىڭىزدى, قاۋىپسىزدىك شارالارىن ساقتاۋعا, جولدان اداسىپ كەتكەن جاعدايدا نەمەسە باسقا دا توتەنشە جاعدايلارعا تاپ بولساڭىز دەرەۋ «101» جانە «112» نومىرىنە حابارلاسۋىڭىزعا كەڭەس بەرەدى.
