ەرلەر اراسىندا وسكەمەندىك دەنيس جولدۋەۆ تۇعىر بيىگىنەن كورىندى. ورالدىق ايدوس كەنجەعۇلوۆ كۇمىس جۇلدەگەر اتانسا, شىمكەنت قالاسىنىڭ تۇلەگى بەكۇلان جامان قولا مەدالعا قول سوزدى.
ايەلدەر اراسىندا اناستاسيا لاۆروۆاعا تەڭ كەلەر ەشكىم بولعان جوق. ول فينالدا قاراعاندىلىق زاۋرەش اقاشەۆانى ۇتتى. ءۇشىنشى ورىن شىمكەنتتىك ماليكا يلحامجانوۆانىڭ ەنشىسىندە.
«تۋرنير جوعارى دەڭگەيدە ءوتتى. العاشقى سەگىزدىكتەگى سپورتشىلاردىڭ ويىنى وتە قىزىق بولعانىن ايتا كەتۋ كەرەك. دەنيس جولدۋەۆ ءوز مىقتىلىعىن دالەلدەپ كەلەدى. ونىڭ ءاربىر كەزدەسۋى جانكۇيەرگە ۇلكەن اسەر سىيلاعانى ءسوزسىز. ال ايەلدەر اراسىندا فينالدىق جۇپتى قۇراعان زاۋرەش اقاشەۆا مەن اناستاسيا لاۆروۆا ءبىر-بىرىنە الدىرمايتىن ۇزدىكتەر. ەكەۋىنىڭ اراسىنداعى كەزدەسۋلەر ۇنەمى تارتىسقا تولى بولادى», - دەيدى كوماندا باپكەرى دميتري پەرەۆەرزەۆ.
