بريتانيا پرەمەر-ءمينيسترى مەملەكەت دەپۋتاتتارىنا باسقارىپ وتىرعان مينيسترلەر كابينەتىنىڭ بىرىككەن كورولدىكتىڭ ەۋرووداقتان شىعۋىنا قاتىستى جۇرگىزەتىن جۇمىستارىن تۇسىندىرەدى.
مەيدىڭ پارتيالاسى, ساۋدا ءمينيسترى ليام فوكس وسىعان بايلانىستى ءوز ويىن ءبىلدىردى. «حالىق وداقتان «شىعۋعا», ال پارلامەنت «قالۋعا» بەل بۋعان. دەگەنمەن پارلامەنتتىڭ شەشىمىن وزگەرتەر قۇقى جوق, ويتكەنى حالىققا ناقتى قارارىن ايتىپ قويدى. شەشىمدى حالىق شىعارادى, ال ءبىز ونى جۇزەگە اسىرۋ جولدارىن قاراستىرامىز» دەدى.
كەيبىر باق ۇلىبريتانيا مەن يرلانديا بولەك كەلىسىم جاسايدى دەپ جورامالداپ وتىر. بۇل كەلىسىم سولتۇستىك يرلانديامەن تۋىنداعان شەكارا ماسەلەسىنىڭ شەشىلۋىنە جول بولماق دەيدى. الايدا بۇعان يرلانديانىڭ كەلىسىم بەرمەۋى بەك مۇمكىن.
تومەنگى پالاتادا 50-باپقا جۇگىنۋ تۋرالى ۇسىنىستار دا بار. اتالعان باپ جاڭا كەلىسىم جاساۋعا ۋاقىت ۇتىپ بەرمەك. بۇل تۋرالى مەملەكەتتىڭ «برەكسيت» ماسەلەسى بويىنشا ءمينيسترى, دەپۋتات كير ستارمەر دە ايتقان بولاتىن.
ەو-نىڭ جاڭا كەلىسىمىنە قاتىستى جاڭا داۋىسقا سالۋ 29 قاڭتارعا بەلگىلەنگەن.
