سوت جۇيەسىن جاڭعىرتۋ ماقساتىندا قۇرىلعان فرونت-وفيس ءۇش اۋماقتان تۇرادى. اقپاراتتاندىرۋ ورتالىعىندا تۇرعىندار كەڭەس بەرۋشى قىزمەتكەرلەردىڭ كومەگىنە جۇگىنە الادى. سونىمەن قاتار, بۇل جەردە كەلىپ تۇسەتىن كەڭسە قۇجاتتار اۋماعى مەن ءوز-وزىنە قىزمەت كورسەتۋ بۇرىشى بار. سوتقا كەلۋشىلەر «سوت بولمەسى» اقپاراتتىق جۇيە قىزمەتىن, wi-fi جەلىسىن جانە گادجەتتەرگە ارنالعان قۋاتتاندىرۋ قۇرالدارىن قولدانا الادى. سونداي-اق, مەدياتورلار مەن ادۆوكاتتار ءۇشىن ارنايى بولمەلەر دە قاراستىرىلعان.
– بۇرىن مۇندا اياداي كۇتۋ زالى مەن قۇجاتتار بەرەتىن ەكى تەرەزە عانا بولعان. وتە ىڭعايسىز ەدى. ەندى بۇل جەر كەڭەيتىلدى, كەڭەسشىلەر بار, كەلىپ تۇسەتىن جانە بەرىلەتىن كوررەسپوندەنتسيانى قابىلداپ-بەرىپ تۇراتىن قىزمەتكەرلەر قاراستىرىلعان. سونىمەن قاتار, فرونت-وفيستە ادۆوكاتتار مەن مەدياتورلار قىزمەت كورسەتەدى. وسىنىڭ بارلىعى تۇرعىندارعا ىڭعايلى ءبولۋ ۇشىن جاسالعان, – دەيدى وكتيابر اۋدانىنىڭ №3 اۋداندىق سوتىنىڭ توراعاسى ەرلان شەگەنوۆ.
جىل سوڭىنا دەيىن قاراعاندى وبلىسىنىڭ كوپقۇرامدىق سوتتارىندا وسى سەكىلدى 7 فرونت-وفيس اشۋ جوسپاردا بار. بۇل تۋرالى وبلىستىق سوتتىڭ توراعاسى نۇرسەرىك ءشارىپوۆ مالىمدەدى.
قايرات ءابىلدا,
«ەگەمەن قازاقستان»
قاراعاندى
