«اتىراۋ جەو» اق پرەزيدەنتى ايبار راحمانوۆتىڭ ايتۋىنشا, الماگۇل ىقشام اۋدانىنداعى 16 قاباتتى تۇرعىن ۇيلەرگە جىلۋ بەرىلگەن. بىراق قازىر سۋ قۇبىرىنىڭ قىسىمىن دۇرىستاۋ جۇمىستارى ءجۇرىپ جاتىر.
- گيدراۆليكانى قالپىنا كەلتىرگەننەن كەيىن بۇل ۇيلەرگە كەشكىسىن جىلۋ بەرىلەدى,-دەدى ايبار راحمانوۆ.
سونىمەن قاتار, بالىقشى ىقشام اۋدانىندا ىستىق سۋمەن جابدىقتاۋ اپاتتى جاعدايدا ىستەن شىقتى.
- بالىقشى ىقشام اۋدانىنداعى جەتى ءۇي ىستىق سۋسىز قالدى. «گراند ماستەر» جشس جۇمىسشىلارى اپاتتىڭ سالدارىن جويۋ جۇمىستارىن جۇرگىزىپ جاتىر, تۇرعىنداردى تۇسىنىستىكپەن قاراۋعا شاقىرامىز,-دەيدى قالالىق تكش, جولاۋشىلار كولىگى جانە اۆتوكولىك جولدارى ءبولىمىنىڭ باسشىسى شاكىر كەيكين.
اتىراۋ قالاسىنىڭ اكىمى اليمۇحاممەد قۇتتىمۇرات ۇلى الماگۇل ىقشام اۋدانىنا بارىپ, تۇرعىندارمەن كەزدەستى. شاھار باسشىسى پروبلەما تىكەلەي وبلىس اكىمىنىڭ باقىلاۋىندا ەكەنىن, بارلىق قۇزىرلى ورگاندار جۇمىلدىرىلعانىن اتاپ ءوتتى.
زاقىم كەلگەن ۋچاسكەنى وشىرگەننەن كەيىن قۇبىر جەلىلەرى سۋمەن تولتىرىلىپ, قالاعا جىلۋ بەرۋ قالپىنا كەلتىرىلدى. قازىر ماگيسترالدى قۇبىر جەلىسىنىڭ زاقىم كەلگەن ۋچاسكەسىن اۋىستىرۋ جۇمىستارى جالعاسىپ جاتىر.
باقىتگۇل باباش,
«ەگەمەن قازاقستان»
اتىراۋ
