ايماق باسشىسى قۇمار اقساقالوۆ ورتالىق ازياداعى ينۆەستيتسيالىق كورپوراتسيانىڭ پرەزيدەنتى دجان گاۋ چينمەن كەزدەسىپ, بوي كوتەرەتىن قۇرىلىس نىساندارى جايى تالقىلاندى.بىلتىر بۇل سالاعا 80 ميلليارد تەڭگە بولىنسە, بيىل بۇدان دا قوماقتى قاراجات باعىتتالعان. قۇمار ىرگەباي ۇلى اسپاناستى ەلى قارجىگەرلەرىن وسى باعىتتا ارىپتەستىك ورناتۋعا شاقىردى.
تايىنشا اۋدانىندا كورشى مەملەكەتتىڭ قارجىلاندىرۋىمەن سالىنعان مايلى داقىلداردى تەرەڭدەتىپ وڭدەيتىن زاۋىت جۇمىس ىستەيدى. قىزىلجار جانە ع.مۇسىرەپوۆ اۋداندارىندا قۇراماجەم زاۋىتتارى تۇرعىزىلۋدا.
وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى داۋرەنبەك بەيسەنباەۆتىڭ ايتۋىنشا, جاڭا اۋرۋحانانىڭ قۇرىلىسىنا 8 گەكتار جەر بولىنگەن. جوبالىق سمەتالىق قۇجاتتار دايىندالعان سوڭ مەملەكەتتىك ساراپتاماعا بەرىلەدى. جوبا بويىنشا اۋرۋحانا 12 كورپۋستان تۇرادى. بۇدان بولەك دارىگەرلەر ءۇشىن ەكى ءۇي تۇرعىزىلادى. ءسويتىپ ءوڭىر تۇرعىندارىنا ساپالى مەديتسينالىق قىزمەت كورسەتۋدىڭ ساپاسى مەن قولجەتىمدىلىگى جاقساراتىن بولادى..
مەديتسينالىق كەشەن وڭتۇستىك كورەياداعى مەديتسينا ورتالىقتارىنىڭ ۇلگىسىندە تۇرعىزىلادى. جەرگىلىكتى دەلەگاتسيا وسى ەلمەن تاجىريبە الماسىپ, كەلىسىم جاساۋعا اتتانىپ كەتىپتى
«مەملەكەتتىك جەكەمەنشىك ارىپتەستىك اياسىندا قۇرىلىس بيزنەسىنە, جولداردى جوندەۋگە دە دە قاتىسۋدى ويلاستىرىپ وتىرمىز.كوپسالالى اۋرۋحانانى 3-3,5 جىلدا پايدالانۋعا بەرەتىن بولامىز», دەيدى ورتالىق ازياداعى ينۆەستيتسيالىق كورپوراتسيانىڭ پرەزيدەنتى دجان گاۋ چين.
اتالمىش كومپانيا ورتالىق ازيادا بىرقاتار ءىرى جوبالاردى جۇزەگە اسىرىپتى. ماسەلەن تاجىكستاندا 22,8 ميلليون دوللاردىڭەلەكتر زاۋىتىنسالىپ, اۋعانستاندا 100 ميلليون دوللارعا جولداردى قالپىنا كەلتىرۋدە.
وزبەكستاندا جىلىنا 2 ميلليون توننا تسەمەنت وندىرەتىن زاۋىت سالۋعا كەلىسسوزدەر جۇرگىزىلۋدە.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
