«1000 بورىك. رف» كورمەسىنە تۇلكى, قويان, قاراكۇزەن, ونداتر, جانات تەرىسىنەن تىگىلگەن تاۋارلاردىڭ كوز جاۋىن الاتىن بىرنەشە تۇرى قويىلعان. ەرەكشە ديزاينمەن جاسالىپ, اشەكەي تاستارمەن كومكەرىلگەن تاۋارلار تالعامى بيىك تۇتىنۋشىلاردىڭ نازارىنا بىردەن اۋدارادى.
«مارتەن» اتتى نوۆوسىبىرلىك فابريكا بورىك تىگۋمەن شيرەك عاسىرعا جۋىق اينالىسادى. تىگىلۋى, ءسان جاعىنان ءبىرىن-ءبىرى قايتالامايتىن ەرەكشە باس كيىمدەر جاڭا تەحنولوگيالار بويىنشا ازىرلەنگەن.
«بورىكتەر مەن قۇلاقشىندار «مارتەن» فابريكاسىندا ءپىشىلىپ, تىگىلەدى. ديزاينەرلەرىمىز باس كيىم ۇلگىلەرىن ساتىپ الۋشىلاردىڭ تالعامىنا قاراي ءار ءتۇرلى ەتىپ بەزەندىرەدى. قازىرگى تاڭدا كانادالىق جانە ءسىبىر قاراكۇزەنى تەرىسىنەن دايىندالعان ونىمدەرگە سۇرانىس كوپ. ەڭ ارزان باس كيىمنىڭ باعاسى 10 مىڭ تەڭگە بولسا, بۇلعىن تەرىسىنەن جاسالعانى قىمباتىراق» دەيدى كورمە جەتەكشىسى جاننا فومەنكو.
مۇندا باس كيىم جيىنتىقتارى دا ساتىلادى. ماسەلەن, پاۆلوپوسادتىق «موروزكو» ءونىمى بورىك, شارف جانە قولعاپتان تۇرادى. اتاپ وتەرلىگى, بارلىق اشەكەي بۇيىمدار قولمەن جاسالعان. كانادالىق قاراكۇزەن تەرىسىنەن دايىندالعان ءبىر جيىنتىقتىڭ باعاسى 96 مىڭ 400 تەڭگە تۇرادى.
بۇدان بولەك, ەر ازاماتتاردىڭ دا باس كيىمدەرى ساتىلادى.
ايتا كەتكەن ءجون, «1000 بورىك.رف» كورمەسىنىڭ وكىلدەرى تۇتىنۋشىلارعا جاڭاجىلدىق ءتيىمدى ۇسىنىس جاساپ وتىر. اتاپ ايتقاندا, تەرىدەن تىگىلگەن ەسكى باس كيىمدەردى جاڭاسىنا اۋىستىرىپ الۋ مۇمكىندىكتەرى قاراستىرىلعان. ول ءۇشىن قوسىمشا تولەم جاساپ, قۇنى 30 مىڭ تەڭگەدەن جوعارى تۇراتىن بورىكتى ساتىپ السا بولعانى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
