بولگاريالىق مامان ستانيمير ستويلوۆ قازاقستان ۇلتتىق قۇراماسىن 2018 جىلدىڭ ناۋرىزىندا باسقارعان ەدى. ونىڭ جەتەكشىلىگىمەن ءبىزدىڭ قۇراما ءۇش جولداستىق ماتچ وتكىزىپ, ۋەفا-نىڭ جاڭا ءتۋرنيرى ۇلتتار ليگاسىنا قاتىستى. سونىمەن قاتار جاستار قۇراماسىنان بىرنەشە ويىنشىنى شاقىرۋ ارقىلى ۇلتتىق قۇرامانى جاسارتتى. قازاقستان فۋتبول فەدەراتسياسى ستانيمير ستويلوۆ پەن ونىڭ جاتتىقتىرۋشىلار شتابىنا قازاقستاندىق فۋتبولدى دامىتۋعا قوسقان ۇلەسى مەن اتقارعان ەڭبەگى ءۇشىن العىس بىلدىرەدى.
فۋتبولدان قازاقستان ۇلتتىق قۇراماسى ستويلوۆتىڭ باسشىلىعىمەن جالپى سانى 9 ماتچ وتكىزدى. ونىڭ ۇشەۋى جولداستىق كەزدەسۋ, التاۋى رەسمي ويىن. ەكى جولداستىق كەزدەسۋدە فۋتبولشىلارىمىز جەڭىسكە جەتسە, ءبىر ويىندا جەڭىلىپ قالدى. ال ۇلتتار ليگاسى اياسىندا وتكەن رەسمي ويىنداردىڭ بىرەۋىندە عانا جەڭىسكە جەتسە, ەكى ويىندا تەڭ ويناپ, ءۇش ويىندا قارسىلاستارىنا ەسە جىبەردى. جالپى ۇلتتىق قۇراما 9 كەزدەسۋدىڭ ۇشەۋىندە جەڭىپ, ۇشەۋىندە تەڭ ويناپ, ءۇش ماتچتا جەڭىلىسكە ۇشىرادى.
