16 قاڭتار، 2019

باعالى مەتالدار نارىعى: ينۆەستيتسيا سالعاندار وكىنبەيدى

410 رەتكورسەتىلدى

بيىل الەمدىك نارىقتا باعالى مەتالداردىڭ قۇنى وسەدى. بۇل تۋرالى BMO Capital Markets ساراپشىلارى حابارلادى. 2019 جىلدىڭ العاشقى جارتىسىندا 1 ۋنتسيا التىننىڭ باعاسى 1260 دوللاردىڭ توڭىرەگىنە تۇراقتاۋعا ءتيىس. ءۇشىنشى توقساندا 1300 دول­لار­عا كوتەرىلىپ، جىل سوڭىن­داعى كورسەتكىش 1270 دوللار شاماسىندا بولادى دەگەن بولجام بار. 

التىن قىمباتتايدى

ساراپشىلار باعالى مەتالدارعا قاتىستى بولجامدارىنىڭ وپتيميزمگە تولى ەكەنىن ايتادى. ءتۇرلى-ءتۇستى مەتالدار نارىعى وتكەن جىلى ماكروەكونوميكالىق داۋىلدىڭ سوق­قىسىنا تاپ بولعانى باعاعا ءبىراز وزگەرىس ەنگىزدى. بىلتىر كۇزگە دەيىن دوللار باعامى مەن فەدەرالدىق رەزەرۆتىك جۇيە مولشەرلەمەسى تۇراقتى تۇردە كوتەرىلىپ، الەم ەلدەرىندەگى ورتالىق بانكتەردەن التىن ساتىپ الۋ قارقىنى ايتارلىقتاي تومەندەگەن. بۇعان قوسا ينفلياتسيا، سۇرانىستىڭ السىرەۋى جانە وزگە دە قارجى سالاسىنىڭ كۇرمەۋى قيىن ماسەلەلەرى باعالى مەتالل قۇنىنىڭ ارزانداۋىنا اسەر ەتكەن ەدى. سوعان قاراماستان بيىل بۇل سالاعا ەكونوميكاسى باسىبايلى تاۋەلدى ەلدەر ءۇشىن ءتيىمدى بولاتىن ءتۇرى بار. اتاپ ايتقاندا، جاھاندىق گەوسايا­سي جاعداي مەن ءتۇرلى تاۋەكەلدەردىڭ با­سىم­دىعى ماكروەكونوميكالىق اك­تيۆتەردىڭ تۇراقتالۋىنا، ونىڭ ىشىندە التىن باعاسىنىڭ قالىپتى دەڭگەيدە ساقتالۋىنا مۇمكىندىك بەرۋگە ءتيىس. بىرتىندەپ دوللار باعامى تومەندەپ، ەسەسىنە باعالى مەتالل قۇنىنا بەلگى­لەنگەن مەجە كوتەرىلە تۇسەدى. تەك بىر­قاتار دامۋشى ەلدەر تاراپىنان سۇرا­نىس تومەندەۋى مۇمكىن.

بيىل كۇمىستىڭ 1 ۋنتسياسىنىڭ قۇنى 16 دوللار شاماسىندا بولماق. ياعني، بۇعان دەيىنگى بولجامنان 2 پايىزعا تومەن مەجە بەكىتىلىپ وتىر. ءبىر ايتا كەتەرلىگى، كۇمىستىڭ الەمدىك نارىقتاعى باعاسى وتكەن جىلدىڭ سوڭىندا بىردەن 13 پايىزعا ارزانداعان ەدى. 

باعالى مەتالدار نارىعىنىڭ ساراپشىسى وكسانا لۋكيچەۆا دا 2019 جىلى پاللادي 28%-عا، ال التىن 3%-عا دەيىن قىمباتتاۋى مۇمكىن ەكەندىگىن ايتادى. كەرىسىنشە، كۇمىس پەن پلاتينا قۇنى تومەندەيدى دەپ كۇتىلۋدە. ونىڭ ايتۋىنشا، 1 ۋنتسياعا باعاسى – 1252 اقش دوللارى، كۇمىس 14،80 دوللار شاماسىندا بولادى.

− باعالى مەتالدار نارىعىنا اسەر ەتەتىن نەگىزگى فاكتور – اقش فەدەرال­د­ىق رەزەرۆ جۇيەسىنىڭ ساياساتى. ەگەر بيىل پايىزدىق مولشەرلەمە مەن باعا­لاردى جىلدىڭ سوڭىنا قاراي كوتەرۋدى قاراستىرسا، بۇل باعالى مەتالدار نارىعى ءۇشىن مىقتى قولداۋ بولادى، – دەدى ساراپشى. 

كۇمىس كۇشەيۋى مۇمكىن

و.لۋكيچەۆا التىنعا ينۆەستيتسيانى ۋنتسياسىنا 1200 دوللار بولعان كەزدە سالعان ءتيىمدى دەپ سانايدى، ونداي جاعدايدا ونىڭ قۇنى 1300 دوللارعا دەيىن كوتەرىلەدى دەۋگە نەگىز بار. ال كۇمىس­كە ينۆەستيتسيا قۇيماعان ءجون، سە­بەبى ونەركاسىپتىك قولدانىستىڭ ۇلەسى وتە جوعارى. سونىمەن قاتار ساراپ­­شى التىنعا دەگەن سۇرانىس ينف­ليا­تسياعا ۇشىراعان ەكونوميكادا، سون­داي-اق سانكتسيا نەمەسە گەوساياسات قىسى­مىنا تاپ بولعان ايماقتاردا جوعا­رى بولاتىنى بايقالاتىنىن ايتىپ وتىر. 

دەسە دە، ەنشىسىندەگى كۇمىسكە قاتىس­تى جاعىمدى بولجامدار دا بار. Blue Line Futures پرەزيدەنتى بيلل باۋرچ: 

– بىلتىرعى ساتسىزدىككە قاراماس­تان، كۇمىس ءوزىنىڭ وندىرىستىك اسەرىنەن قۇتىلىپ، 2019 جىلى ونىڭ باعاسىنىڭ ءوسىم كورسەتكىشى التىننان اسىپ، مونە­تارلىق مەتالعا اينالادى دەپ كۇ­تىلۋدە. ويتكەنى اقش دوللارى فەدە­رالدىق رەزەرۆتىڭ جۇمىسىنا بايلانىس­تى السى­رەۋى مۇمكىن. التىننىڭ جاع­دايى جاق­سارسا، ول كۇمىسكە دە وڭ ىق­پال ەتۋى كەرەك، – دەيدى. 

فرانتسيانىڭ Natixis بانكى تاراتقان اقپارات بويىنشا كۇمىستىڭ باعاسى ءارى كەتكەندە 18 دوللارعا جەتەدى، ورتاشا ەسەپپەن 16 اقش دوللارى شاماسىندا ساقتالادى. ءدال وسىنداي مەجەلى بولجامدى بەلگىلەپ وتىرعان گوللانديالىق بانك ABN AMRO كەلتىرگەن اقپاراتقا سۇيەنسەك، ورتاشا ەسەپپەن العاندا كۇمىس قۇنى ۋنتسياسىنا 16،60 دوللار بولماق. 

باعالى مەتالدار ساراپشىسى بەرنارد داحدانىڭ پايىمداۋىنشا، كۇمىسكە دەگەن سۇرانىس وندىرىستىك سيپاتتان بولەك، جەكەلەي سۇرانىس تۇرعىسىنان دا ارتۋى بەك مۇمكىن. ساراپشى سوعان ساي باعا دا كوتەرىلۋگە ءتيىس ەكەنىن جەتكىزدى. ونىڭ ايتۋىنشا، بيىل التىنمەن قوسا كۇمىستىڭ دە جاعدايى جاقسارۋى ابدەن مۇمكىن.

ينۆەستورلار ءۇشىن ايتىلعان ءاربىر بولجام مەن پايىمنىڭ ماڭىزدى ەكەنى تۇسىنىكتى. وسى رەتتە گوللانديالىق بانك­­تىڭ ۆاليۋتا جانە باعالى مەتال­دار نا­رىعىنىڭ ۇيلەستىرۋشىسى دجورد­جەت بولە ينۆەستورلار باعالى مەتال­عا قار­جى قۇيعاننان ۇتپاسا، ۇتىل­ماي­تىنىن جەتكىزەدى. ول وبليگاتسيالار بويىنشا كىرىستىڭ تومەندەۋى مەن اقش دول­لارىنىڭ السىرەۋى كۇمىس باعا­­سى ءۇشىن وڭ فاكتور ەكەنىن مىسالعا كەلتىردى. 

قارجى سالاسىنىڭ بەلسەندىلەرى بۇل اقپاراتتاردى ءتيىمدى پايدالانىپ، كەلەر جىلى سالىنعان ينۆەستيتسيالار ناتيجەسىندە باعالى مەتالدار قۇنى كوتەرىلەدى دەگەن بولجام بار.

پلاتيناعا سۇرانىس ارتادى

تاياۋدا دۇنيەجۇزىلىك ينۆەس­تي­تسيالىق كەڭەس اۆتوكولىك وندىرۋشىلەر تاراپىنان سۇرانىستىڭ تومەندەۋى سالدارىنان پلاتينا باعاسى ارزانداۋى مۇمكىن دەگەن بولجام جاساعان-دى. وتكەن جىلى پلاتينانىڭ 1 ۋنتسياسى 505 مىڭ دوللار بولسا، بيىل 455 مىڭ شاماسىندا بولماق. 

اتالعان كەڭەس جۇرگىزگەن ساراپ­تاماعا سايكەس، نەگىزىنەن ديزەلدى قوزعالتقىشتار ءۇشىن اۆتوكاتاليزاتورلاردا پايدالانىلاتىن پلاتينا قازىر قولدانىستان شىعارىلا باستاعان. ونىڭ نەگىزگى سەبەبى بەنزيندى قوزعالتقىشى بار اۆتوموبيلدەردىڭ نارىقتاعى ۇلەسى كەمىگەنىمەن بايلانىستى. ونىڭ ۇستىنە مۇنداي كولىك قۇرالدارىن وندىرۋشىلەر باعاسى جاعى­نان ارزانعا تۇسكەندىكتەن ءپاللاديدى كوبىرەك قولدانا باستاعان كورىنەدى.

ەسەسىنە، ونەركاسىپتىك سەكتور بيىل پلاتيناعا دەگەن سۇرانىستى ارتتىرۋى ىقتيمال. اتاپ ايتقاندا، مۇناي وڭدەۋ جانە شىنى ءوندىرۋ سالاسىندا ايتارلىقتاي ءوسىم بولماق. سايكەسىنشە، بۇل باعالى مەتالدى قىتاي مەن سولتۇستىك امەريكا ەل­دەرىنىڭ نارىعى كوبىرەك ساتىپ الۋعا نيەتتى. اتالعان ەلدەردە وندىرىستىك سالادان بولەك، حيميا سەكتورىندا دا پلاتيناعا سۇرانىس ارتادى.

قازىرگى تاڭدا پلاتيناعا دەگەن ي­ن­ۆەس­تيتسيالىق سۇرانىس كولەمى 250 مىڭ ۋنتسيا مولشەرىندە. ەگەر بيرجالىق قورلار ۇلعايسا، باعا دا شارىقتاۋى مۇمكىن. ازىرگە بۇل باعالى مەتالل باعاسىنىڭ ءوسىم كورسەتكىشى التىنمەن جانە پاللاديمەن سالىس­تىرعاندا تومەنىرەك بولادى دەگەن بولجام جاسالىپ وتىر.

ەركەجان ايتقازى،

«ەگەمەن قازاقستان»

سوڭعى جاڭالىقتار

قولتاڭبا

ايماقتار • بۇگىن، 09:42

شەكاراشىلار الدانبادى

قوعام • بۇگىن، 08:22

ليتسەنزياسىنان ايىردى

قوعام • بۇگىن، 08:20

ونەرلىگە ءورىس كەڭ

ايماقتار • بۇگىن، 08:16

سىناقتان ساعى سىنباعان

ايماقتار • بۇگىن، 08:11

ۋاقىتى كەلگەن يگىلىك

تەحنولوگيا • بۇگىن، 08:05

سالەمدە بەرەكە بار

رۋحانيات • بۇگىن، 08:03

مىستى قالادا مىلتىق نەگە اتىلدى؟

ايماقتار • بۇگىن، 08:02

«ءبىر كوزدى» ءداۋ

قوعام • بۇگىن، 07:56

ەكىنشى راۋندتا سۇلاتىپ سالدى

كاسىپقوي بوكس • بۇگىن، 07:49

ءۇشىنشى كەزەڭگە وتە المادى

تەننيس • بۇگىن، 07:48

بۇيىرعانى – ءبىر جۇلدە

سپورت • بۇگىن، 07:45

جەرلەسىمىزدىڭ ايتۋلى جەڭىسى

تەننيس • بۇگىن، 07:40

اباي ءۇنى – حالىق ءۇنى

اباي • بۇگىن، 07:38

دومبىرا – دالا شەجىرەسى

رۋحانيات • بۇگىن، 07:29

شەتەلدىك كولىكتى تىركەۋ كەرەك

ساياسات • بۇگىن، 07:25

جاڭا ەكونوميكالىق باعىت قاجەت

پرەزيدەنت • بۇگىن، 07:18

ۇقساس جاڭالىقتار