2018 جىلدىڭ اقپانىندا اقش قورعانىس مينيسترلىگى جاڭا يادرولىق دوكتريناسىن ۇسىنعان بولاتىن.
اقپاننىڭ 9-25 اراسىندا كورەي رەسپۋبليكاسىنىڭ پحەنچحان قالاسىندا XXIII قىسقى وليمپيادا ويىندارى ءوتتى. وليمپيادا ناتيجەسى بويىنشا العاشقى وندىققا نورۆەگيا, گەرمانيا, كانادا, اقش, نيدەرلاندى, شۆەتسيا, وڭتۇستىك كورەيا, شۆەيتساريا, فرانتسيا, اۋستريا كىردى.
11 اقپان موسكۆادان ورسككە ۇشىپ بارا جاتقان ان-148 ۇشاعى قۇلاپ, 65 جولاۋشى مەن 6 ەكيپاج مۇشەسى قازا تاپتى.
بۇل وقيعادان بىرنەشە كۇن سوڭ ماردجوري ستوۋنمان دۋگلاس مەەكتەبىندە اتىس بولىپ, وقيعا ناتيجەسىندە 17 ادام قايتىس بولدى, 14 ادام جاراقاتتاندى.
18 اقپان تەگەراننان ياسۋدجعا باعىت العان ATR 72-200 ۇشاعى دەنا تاۋىنا سوعىسىپ, 60 جولاۋشى مەن 6 ەكيپاج مۇشەسى قايتىس بولدى.
25 ناۋرىز رەسەيدىڭ كەمەروۆو قالاسىندا «زيمنيايا ۆيشنيا» ساۋدا ورتالىعى ورتكە ورانىپ, 60 ادام قازا تاپتى. 28 ناۋرىزدا رەسەي فەدەراتسياسىندا قارالى كۇن جاريالاندى.
11 ءساۋىر الجير تاريحىنداعى ەڭ ۇلكەن قازا بولدى. يل-76 ۇشاعى بليدا قالاسىنىڭ تۇبىندە قۇلاپ, 257 ادام قايتىس بولدى.
وڭتۇستىك كورەيا مەن سولتۇستىك كورەيا پرەزيدەنتتەرى كيم چەن ىن مەن مۋن چجە ين العاش رەت 27 ساۋىردە پحانمۋندجوم شەكارالىق پۋنكتىندە كەزدەستى.
5 مامىر ناسا InSight ميسسياسىن مارسقا اتتاندىردى.
1 ماۋسىم رەسەي بۇۇ قاۋىپسىزدىك كوميتەتىنە باسشىلىق ەتتى.
14 ماۋسىم-15 شىلدە اراسىندا رەسەي فەدارتسياسىندا فۋتبولدان الەم چەمپيوناتى ءوتتى. چەمپيونات ناتيجەسىندە فرانتسيا قۇراماسى ەكىنشى رەت الەم چەمپيونى اتاندى.
شىلدەدە تايلاندتاعى ۇڭگىر سۋعا تولىپ, ىشىندە 12 بالا قالىپ قويعان بولاتىن. تحام لۋانگ ۇڭگىر كەشەنىنەن قۇتقارىلعان بالالار امان-ەسەن وتباسىلارىمەن قاۋىشتى.
18 تامىز – 2 قىركۇيەك اراسىندا جازعى ازيا ويىندارى ءوتتى. يندونەزيا استاناسىندا وتكەن سپورت جارىسىندا قىتاي 289 مەدالمەن كوش باستادى.
ارگەنتينا اسكەرلەرى ءبىر جىل بۇرىن باتىپ كەتكەن «سان-حۋان» سۋاستى كەمەسىنىڭ تاپقانىن حابارلادى. كەمەدە 44 ادام بولعان. الايدا, كەمەنى شىعارۋ وڭاي بولمايتىنىن ساراپشىلار الدىن-الا ەسكەرتكەن بولاتىن.
2018 جىلى قازاندا گەرمانيا كانتسلەرى انگەلا مەركەل ءوزى باسقاراتىن گەرمانيانىڭ حريستيان-دەموكراتيالىق وداعى پارتياسىنىڭ باسشىلىعىنان كەتتى.
2 قازان ساۋد ارابياسىنىڭ تۋماسى, جۋرناليست دجامال حاششوگي تۇركياداعى ساۋد ارابياسىنىڭ ەلشىلىگىندە ءولتىرىلدى. الەمدى دۇرلىكتىرگەن قازا بىرنەشە مەملەكەتتىڭ باسشىلارىن بەي-جاي قالدىرمادى.
2007 جىلدان بەرى رونالدۋ مەن مەسسيدەن باسقاعا بۇيىرماي كەلە جاتقان «التىن دوپ» بيىل لۋكا مودريچكە تابىستالدى. 33 جاستاعى حورۆاتيالىق فۋتبوليست 3 جەلتوقسان كۇنى ماراپاتتالدى.
22 جەلتوقسان يندونەزيانىڭ زوند بۇعازى جاعالاۋىندا بولعان تسۋنامي سالدارىنان 429-دان استام ادام قازا تاپتى, 1400 ادام جاراقات الدى.
