ا. قۇجىموۆ 1984 جىلى مامليۋت اۋدانىنا قاراستى بەكسەيىت اۋىلىندا دۇنيەگە كەلگەن. م.قوزىباەۆ اتىنداعى سقمۋ-ءدى, قازاقستان-رەسەي ۋنيۆەرسيتەتىن قۇرىلىس باكالاۆرى, يۋريسپرۋدەنتسيا باكالاۆرى ماماندىقتارى بويىنشا بىتىرگەن.
ەڭبەك جولىن 2005 جىلى “ەدينستۆو” جشس-ءنىڭ ديسپەتچەرى بولىپ باستاعان. 2006-2011 جىلدار ارالىعىندا سولتۇستىك قازاقستان وبلىستىق قىزىلجار جەر-كاداستر فيليالىندا تەحنيك-جەرگە ورنالاستىرۋشى, اققايىڭ اۋداندىق جەر قاتىناستارى ءبولىمىنىڭ باس مامانى, وبلىستىق كاسىپكەرلىك جانە ونەركاسىپ باسقارماسىندا جەتەكشى مامان بولىپ ەڭبەك ەتكەن.
2011-2015 جىلدارى سولتۇستىك قازاقستان وبلىسى اكىمىنىڭ باس ينسپەكتورى, 2015-2018 جىلدارى وبلىس اكىمى اپپاراتى قۇرىلىمدىق بولىمشەسىنىڭ باسشىسى – اۋىل شارۋاشىلىعىن دامىتۋ ءبولىمىنىڭ مەڭگەرۋشىسى بولعان.
وسى تاعايىنداۋعا دەيىن وبلىستىق جەر قاتىناستارى باسقارماسى باسشىسىنىڭ ورىنباسارى قىزمەتىن اتقارعان.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
