«قىتاي مەن قازاقستاننىڭ قازىرگى قارىم-قاتىناسى جوعارى دەڭگەيدە. قىتايدان قورقاتىن دانەمە دە جوق. بۇل دۇنيە دەگەن تاريح بىزدەن باستالىپ, بىزدەن اياقتالعان جوق. قىتايدان قاۋىپتەنىپ, جالاڭ اقپارات تاراتۋ دۇرىس ەمەس. قىتايلاردىڭ جاپپاي قازاقستانعا كوشىپ كەلىپ, قونىستانىپ جاتقانى جوق. ەلگە كەلەتىندەردىڭ بارلىعى زاڭ اياسىندا كەلىسىلگەن. مىسالى, ءوندىرىس سالاتىن بولسا قىتايدان 500 ادام كەلەدى, زاۋىت بىتكەن سوڭ 500 ادام ەلدەرىنە قايتادى. بۇل كەلىسىلگەن ماسەلە. قىتايلار تەك ءبىزدىڭ ەلىمىزدە عانا ەمەس, بۇكىل الەمدە بار. قاي ەلگە بارساڭ دا «China Town» بار. ال قىتايلاردىڭ مۇنداي شوعىرى ءبىزدىڭ ەلىمىزدە جوق دەۋگە بولادى», دەدى ەلباسى.
سونداي-اق پرەزيدەنت كورشىلەرىمىزبەن تاتۋ بولىپ, ساۋدا-ساتتىق قارىم-قاتىناسىمىزدى ارتتىرۋ كەرەك ەكەنىن ايتتى.
«قازىرگى تاڭدا قىتاي الەمدەگى امەريكادان كەيىن وركەندەگەن ەلدەر قاتارىندا ەكىنشى ورىندا تۇر. تەحنولوگيا جاعىنان دا ەشبىر ەلدەن كەم ەمەس. بارلىق سالادا دا قىتاي مەملەكەتى وزىپ كەتپەسە, ارتتا قالىپ قويعان جوق. سوندىقتان كورشىلەرىمىزبەن دوستىق قاتىناس ورناتىپ, ساۋدا-ساتتىق جاساۋىمىز كەرەك. جالپى, ايتقاندا, قىتايدان بىزگە ەشقانداي قاۋىپ جوق. سوندىقتان دوستىق قارىم-قاتىناسىمىزدى ارى قاراي جالعاستىرا بەرەمىز», دەيدى مەملەكەت باسشىسى.
