«بۇگىنگى جاڭا جىلدىق شىرشا اينالاسىنا ءبىزدىڭ ۇلكەن ءارى تاتۋ ەلىمىزدىڭ بالالارى جينالدى. ءوتىپ بارا جاتقان جىلدا سەندەردىڭ بارلىعىڭ ءبىلىم الدىڭدار, سپورتتىق جارىستاردا جەتىستىكتەرگە جەتتىڭدەر, ءتۇرلى كونكۋرستاردا جەڭىمپاز اتاندىڭدار. سەندەردىڭ ارقايسىلارىڭ بۇدان دا بيىك شىڭدارعا قۇلاش سەرمەدىڭدەر. بۇل اسىل قاسيەت سەندەردىڭ عانا ەمەس, بارشا قازاقستاننىڭ كۇش-قۋاتىن ارتتىرادى. قىمباتتى بالالار, جاڭا جىلدا دا سەندەردىڭ بارلىق نيەت-تىلەكتەرىڭ مەن ارماندارىڭ ورىندالسىن», - دەپ اتاپ ءوتتى ءوزىنىڭ قۇتتىقتاۋىندا نۇرسۇلتان نازارباەۆ.
مەملەكەت باسشىسىنىڭ اتىنان بالالارعا سىيلىقتار سالىنعان ارنايى سومكەلەر بەرىلدى, ونىڭ ىشىندە قىسقى كيىمدەر, كەڭسە تاۋارلارىنىڭ جيىنتىعى, پلانشەتتەر, ويىنشىقتار مەن تاتتىلەر بار.
مەرەكەلىك شاراعا ەرتەگىلەر كەيىپكەرلەرى اياز اتا مەن اقشا قار, «ىسمەر» ءانسامبلى, «KeshYou» توبى, تسيرك ارتيستەرى, مۇرات مۇتۇرعانوۆتىڭ شوۋى مەن X-فاكتور جوباسىنىڭ فيناليستەرى جانە باسقا دا ونەرپازدار قاتىستى.
ارمان وكتيابر,
«ەگەمەن قازاقستان»
الماتى
