بۇل تۋرالى وبلىستىق سوتتىڭ ءباسپاسوز قىزمەت حابارلادى. قوستاناي قالالىق مامانداندىرىلعان تەرگەۋ سوتى وبلىستىق ونكولوگيالىق ديسپانسەردىڭ باس دارىگەرى ءمۇسلىم ناۋرىزوۆتى ەكى ايعا ۇيقاماققا الۋ تۋرالى جەدەل تەرگەۋ توبىنىڭ جەتەكشىسى – ۇلتتىق قاۋىپسىزدىك جانە سىبايلاس جەمقورولىققا قارسى ءىس-قيمىل دەپارتامەنتىنىڭ اسا ماڭىزدى ىستەر تەرگەۋشىسى ك.ميراموۆتىڭ ءوتىنىشىن قاناعاتتاندىردى.
م.ناۋرىزوۆ قر قك 366-بابى, 3- ءبولىم, 2-تارماعى بويىنشا قارالاتىن اسا اۋىر قۇقىق بۇزۋشىلىق جاساعان, ناقتىراق ايتساق, الدىن الا سىبايلاسۋ ارقىلى ءبىر توپ اداممەن ۇلكەن كولەمدە پارا العان دەگەن كۇدىك بار.
م.ناۋرىزوۆ – 28 جىل بويى جوعارى ساناتتاعى ونكو-حيرۋرگ, 2017 جىلدان باستاپ ەمدەۋ ورنىنىڭ باس دارىگەرى لاۋازىمىنا تاعايىندالعان بولاتىن. وعان دەيىن باس دارىگەردىڭ ورىنباسارى قىزمەتىن اتقارعان.
ءنازيرا جارىمبەت,
«ەگەمەن قازاقستان»
قوستاناي
