الماتى قالاسى دەنساۋلىق ساقتاۋ باسقارماسىنىڭ باسشىسى قانات توسەكباەۆتىڭ ايتۋىنشا, ەمحانانىڭ 1939 جىلى سالىنعان ەسكى سەلولىق اۋرۋحانانىڭ ورنىنا سالىنعان. زامانۋاي جابدىقتالعان مەديتسينالىق مەكەمە تاۋسامالى, تاستىبۇلاق, تاۋجولى, قاراعايلى, قۇرامىس جانە قارعالى سىندى ەلدى مەكەندەردىڭ 30 مىڭعا جۋىق تۇرعىندارىنا قىزمەت كورسەتەتىن بولادى. سونىمەن قاتار جول كارتاسىنىڭ بارىسىنا وراي تسيفرلاندىرۋدىڭ ارقاسىندا سىرقاتتارعا قىزمەت كورسەتۋ ۋاقىتىن 20%-عا, كەزەك كۇتۋدى 30%-عا قىسقارتۋعا, دارىگەردى ۇيگە شاقىرۋدى 1,5 ەسە جەدەلدەتۋگە قول جەكىزىلگەن.
«سايالى» ىقشام اۋدانىنداعى قازاقشا ءدارىس بەرەتىن 320 ورىندى №186 بالا باقشادا مەكتەپ جاسىنا دەيىنگى مەكەمەدە 16 توپ بار. ونىڭ ارقايسىسىندا بالانىڭ جاسىنا قاراي وقىتۋدىڭ وزىندىك ادىستەرى - مونتەسسوري, دەنەش بلوكتارى, قۇم تەراپياسى جانە باسقالارى قولدانىلادى. بالدىرعانداردى قابىلداۋ 19 جەلتوقساننان باستالادى. وتىنىشتەر «Open Almaty» قوعامدىق قابىلداۋى ارقىلى جۇرگىزىلەدى.
سوڭعى ون جىل ىشىندە الاتاۋ اۋدانىن دامىتۋعا 430 ملرد. تەڭگە جۇمسالعان. 30 مىڭنان استام جۇمىس ورىندارى اشىلىپ, 2,7 ملن شارشى مەتير تۇرعىن ءۇي سالىنسا, 12 مەكتەپ جانە مەديتسينالىق مەكەمە, 98 مەملەكەتتىك جانە جەكە بالا باقشالار اشىلدى. ال سوڭعى ءۇش جىل ىشىندە ناۋرىزباي اۋدانىندا بەس مەديتسينالىق مەكەمە, ەكى مەملەكەتتىك مەكتەپ, ەكى مەملەكەتتىك جانە 65 جەكە بالا باقشا سالىندى. اۋداننىڭ اكىمشىلىك-ىسكەرلىك ورتالىعىندا اۋداندىق اكىمدىك, حقكو, احاج, پروكۋراتۋرا, سوت جانە باسقالارى ورنالاسقان.
ەلۆيرا سەرىكقىزى,
«ەگەمەن قازاقستان»
الماتى
