الەمنىڭ 10-نان استام ەلىنەن 90 قىراندى قولىنا قوندىرىپ اكەلگەن سايىستا ۇرجارلىق ومىربەك نۇعىم ۇلىنىڭ «مۇزبالاعى» ءبىرىنشى ورىندى جەڭىپ الىپتى. حالىقارالىق دودانىڭ قويانعا سالۋ سىنىندا ومىربەكتىڭ بۇركىتى قوياندى قاناتىمەن سوعىپ, اسپانعا قايقاڭداپ قايتا شىعىپ تومەن سورعالاعان قالپى ءىلىپ كورەرمەندى تاڭعالدىرىپتى. ال تۇلكىگە سالعان سوڭعى شەشۋشى باسەكەدە الپىس ەكى ايلالى ءتۇز تاعىسىن دا قالت جىبەرمەپتى. ءتۇز تاعىلارىنىڭ تارتىسىندا تاتتىمبەك كاپ ۇلىنىڭ قىرانى ۇزدىك وندىقتى تۇيىندەسە, ەرزات بايقاداموۆ پەن ەرمەك جەتپىسوۆتىڭ قىراندارى شيرەك فينالعا جەتىپ جىعىلىپتى. «شىعىس-التاي» بۇركىتشىلەر فەدەراتسياسىنىڭ پرەزيدەنتى تاتتىمبەك كاپ ۇلى الاتاۋ باۋرايىندا ۇيىمداستىرىلعان بۇركىتشىلەر بايقاۋىنا ءتورت بۇركىت اپارعاندارىن ايتادى.
رەتى كەلگەندە ايتا كەتەيىك, بۇگىندە شىعىس قازاقستاندا بۇركىتتى تەك ءۇرجار اۋدانىنىڭ عانا قۇسبەگىلەرى باپتاپ, جارىستارعا قوسىپ ءجۇر. جاقىندا ۇلتتىق ونەردى ۇلىقتاۋعا قوسقان ۇلەسى ءۇشىن ت.كاپ ۇلى ءۇرجار اۋدانىنىڭ قۇرمەتتى ازاماتى اتاندى.
ازامات قاسىم,
«ەگەمەن قازاقستان»
شىعىس قازاقستان وبلىسى,
ءۇرجار اۋدانى
