كەزدەسۋدى بەلسەندى باستاعان «بارىس» حوككەيشىلەرى ءبىرىنشى كەزەڭنىڭ 14-مينۋتىندا مەتتيۋ فرەتتيننىڭ ارقاسىندا ەسەپ اشىپ, 0:1 ناتيجەسىمەن ەسەپتە العا شىقتى. ەكىنشى كەزەڭنىڭ 25-مينۋتىندا مۇزايدىن يەلەرىنەن ۆويتەك ۆولسكي ەسەپتى تەڭەستىرگەن بولاتىن. دەگەنمەن «بارىس» ويىنشىسى انتون ساگادەەۆ 29-مينۋتتا قارسىلاس كوماندا قاقپاسىنا ەكىنشى شايبانى سوقتى. ارادان ءبىر مينۋت وتكەندە نيكيتا ميحايليس مەرگەندىگىمەن كوزگە ءتۇسىپ, كومانداسىنىڭ ءۇشىنشى شايباسىن سالدى. ءۇشىنشى كەزەڭنىڭ اياقتالار تۇسىندا ۆيكتور سۆەدبەرگ «كۋنلۋن رس» كومانداسىنىڭ بوس قالعان قاقپاسىنا ەش قيىندىقسىز گول سالىپ, كەزدەسۋدىڭ نۇكتەسىن قويدى.
بۇل جەڭىستەن سوڭ ەلوردا كومانداسى 52 ۇپايمەن قحل-ءدىڭ تۋرنير كەستەسىندە بەسىنشى ورىنعا مىقتاپ جايعاستى. «بارىس» كەلەسى كەزدەسۋىن استاناداعى «بارىس ارەنا» مۇزايدىنىندا چەرەپوۆەتستىڭ «سەۆەرستال» كلۋبىنا قارسى وتكىزەدى.
ءالي بيتورە,
«ەگەمەن قازاقستان»
