«مەملەكەت باسشىسىنىڭ تاپسىرماسىنا سايكەس, ۇكىمەتارالىق كوميسسيالار قىزمەتىنىڭ تيىمدىلىگىن ارتتىرۋ ماسەلەسى قر ءسىم-ءنىڭ ۇنەمى باقىلاۋىندا تۇر. سوندىقتان, سىرتقى ساياسي ۆەدومستۆونىڭ باستاماسىمەن اتالعان كوميسسيا قۇرىلعان. ونىڭ نەگىزگى ماقساتى - ۇكىمەتارالىق كوميسسيالاردىڭ ءىس جۇزىندەگى تيىمدىلىگىن ارتتىرۋ جانە ءتيىستى مەملەكەتتىك ورگانداردىڭ قىزمەتىنە باعا بەرۋ بويىنشا شارالاردى ازىرلەۋ بولىپ تابىلادى», - دەدى ق. ءابدىراحمانوۆ.
ءسىم باسشىسىنىڭ ايتۋى بويىنشا ۇكىمەتارالىق كوميسسيالاردىڭ ەلىمىزدىڭ سىرتقى ساياساتىن ىسكە اسىرۋداعى ماڭىزدى تەتىگى, سونىمەن قاتار قازاقستاننىڭ ەكونوميكالىق ديپلوماتياسىن ىلگەرىلەتۋدىڭ پارمەندى قۇرالى بولىپ تابىلاتىنىن ەرەكشە اتاپ ءوتتى. ء«بىزدىڭ ورتاق ماقساتىمىز ۇكىمەتارالىق كوميسسيالاردىڭ تيىمدىلىگىن ارتتىرۋ بولىپ تابىلادى. بۇل سەبەپتەن, ولاردىڭ كۇن تارتىبىندەگى ماسەلەلەردى قازاقستانعا تەرىس اسەردى تومەندەتۋ جونىندەگى شارالاردى ازىرلەۋ ءۇشىن سانكتسيالار مەن ساۋدا-ساتتىق سوعىستارىنىڭ سان قىرلارى تۇرعىسىنان قاراستىرۋ ماڭىزدى», - دەپ ايتتى مينيستر.
قازىرگى ۋاقىتتا مەملەكەتتىك دەڭگەيدە ەكىجاقتى ساۋدا-ەكونوميكالىق ىنتىماقتاستىقتى نىعايتۋ جانە كەڭەيتۋ ءۇشىن جاردەم كورسەتۋگە ارنالعان ورنىقتى ينستيتۋتسيونالدىق جەلى قۇرىلدى. شەت ەلدەرمەن بىرقاتار سالالىق باعىتتار بويىنشا 133 قۇرىلىم, ونىڭ ىشىندە 60 ۇكىمەتارالىق كوميسسيا, 22 كىشى كوميسسيا جانە 51 جۇمىس توبى جۇمىس ىستەيدى.
وتىرىس بارىسىندا قر ۇكىمەتىنىڭ 2018 جىلعى 24 تامىزداعى №517 قاۋلىسىمەن بەكىتىلگەن بىرلەسكەن ۇكىمەتارالىق كوميسسيالاردىڭ قازاقستاندىق بولىگى تۋرالى ەرەجەگە ەنگىزىلگەن وزگەرتۋلەر ءتۇسىندىرىلدى. اتالعان وزگەرىستەردىڭ ماقساتى - قر پرەمەر-ءمينيسترىنىڭ ورىنباسارلارىن ۇاك-تىڭ قازاقستاندىق بولىگىنە تەڭ توراعالار ەتىپ تاعايىنداۋ تەتىگىن ازىرلەۋ, سونداي-اق ۇكىمەتارالىق كوميسسيالار وتىرىستارى قورىتىندىلارى بويىنشا ەسەپتى جۇيەلەندىرۋ مەن رەتكە كەلتىرۋ بولىپ تابىلادى.
كەزدەسۋ قورىتىندىسى بويىنشا ۇكىمەتارالىق كوميسسيالار شەڭبەرىندە قول جەتكىزىلگەن ۋاعدالاستىقتاردىڭ ورىندالۋىنا باقىلاۋ جاساۋ مەحانيزمى, مەملەكەتتىك ورگانداردىڭ جاۋاپكەرشىلىگىن كۇشەيتۋ جانە ناتيجەلەرگە نازار اۋدارۋ تۋرالى شەشىم قابىلداندى. ۇاك-تىڭ وتىرىستارىن ساپالى وتكىزۋ ماقساتىندا ولاردى وتكىزۋ بويىنشا دايىندىقتى كەشەندى تۇردە كۇشەيتۋ جانە ناتيجەلەرگە نازار اۋدارۋ قاجەتتىلىگى اتالدى. شەتەلدە وتكىزىلەتىن ۇاك وتىرىستارىنا دايىندىق كەزىندە قازاقستاندىق دەلەگاتسيالار ەلىمىزدىڭ شەت ەلدەردەگى ديپلوماتيالىق ميسسيالارىمەن كونسۋلتاتسيا وتكىزەدى.
ۇكىمەتارالىق كوميسسيالاردىڭ قازاقستاندىق بولىگىن جۇرگىزۋگە جاۋاپتى قر مەملەكەتتىك ورگاندارى قىزمەتىنىڭ تيىمدىلىگىن باعالاۋ جۇيەسى ازىرلەنەتىن بولادى.
سونىمەن قاتار, وتىرىس بارىسىندا ۇاك وتىرىستارى شەڭبەرىندە قول جەتكىزىلگەن ۋاعدالاستىقتاردىڭ ىسكە اسىرىلۋ بارىسىندا قازاقستاندىق مينيسترلىكتەر كوپ كەزدەستىرەتىن ماسەلەلەر مەن قيىندىقتار پىسىقتالدى.
ۆەدومستۆوارالىق كوميسسيانىڭ وتىرىستارى قاجەت بولعان جاعدايدا, بىراق كەمىندە جارتىجىلدا ءبىر رەت وتكىزىلەدى.
