«ىلە الاتاۋى» ۇلتتىق تابيعي پاركى رمك بيولوگ-اڭشىلارى قار بارىسىنىڭ ميگراتسيالىق جولىن كورۋ ءۇشىن 2018 جىلدىڭ قازانى مەن جەلتوقسانى ارالىعىندا فوتوتۇزاق قويعان بولاتىن.
فوتواپپپاراتتار تاۋدىڭ جوعارعى جاعىنداعى شىرشا ورمانى اراسىندا ورناتىلعان ەدى.
جۇرگىزىلگەن جۇمىس بارىسىندا ىلە الاتاۋى ۇلتتىق پاركى ايماعىندا تاريحتا تۇڭعىش رەت بىرەگەي ۆيدەوماتەريال ءتۇسىرىلدى.
بەينەكادردا 3 جانۋاردىڭ تاۋ بەتكەيىن بويلاي ماڭعاز باسىپ كەتىپ بارا جاتقانى ءتۇسىپ قالعان. ۇلتتىق پارك ماماندارىنىڭ باعامداۋىنشا, كامەرانىڭ الدىنان ۇرعاشى بارىس 1,5 جاسار كۇشىكتەرىن ەرتىپ وتكەن.
قار بارىسى – قازاقستاننىڭ ەرەكشە قورعالاتىن جانۋارى. سوڭعى دەرەكتەرگە سۇيەنسەك, ەلىمىزدە شامامەن 120-130 قار بارىسى قالدى. قار بارىسى مەكەندەيتىن جەرلەردىڭ جالپى كولەمى 50 مىڭ گەكتاردى قۇراپ وتىر.
