قازاقستان, اقش جانە ۋكرايناداعى جارىستاردا ءوزىن جاقسى قىرىنان كورسەتكەن 27 جاستاعى ايدوس ەربوسىن ۇلى (9-0, 7 كو) 25 جاستاعى بەلگيالىق يلياس اچەرگۋمەن (12-3-1, 6 كو) كۇش سىناسادى. ورتا سالماقتا وتەتىن بۇل جەكپە-جەكتە WBO Global نۇسقاسىنىڭ التىن بەلبەۋى ساراپقا سالىنادى.
جارتىلاي ورتا سالماقتاعى 26 جاستاعى نۇرسۇلتان جاناباەۆ (5-0, 4 كو) WBC Asia نۇسقاسىنىڭ ايماقتىق بەلبەۋى ءۇشىن تالاسادى. ونىڭ قارسىلاسى – 34 جاستاعى ارنەل تينامپاي. فيليپپين بوكسشىسى وتە تاجىريبەلى. ول 48 رەت رينگكە كوتەرىلىپ, 25 مارتە جەڭىسكە جەتتى. 11 قارسىلاسىن نوكاۋتپەن ۇتتى. 22 رەت ۇتىلىپ, تاعى ءبىر ايقاس تەڭ اياقتالدى.
رەيتينگتىك باسەكەدە ءالي بالوەۆ پەن كونستانتين برۋسەنسكي باق سىنايدى. 25 جاستاعى بالوەۆتى جانكۇيەرلەر جاقسى بىلەدى. ول جەتى رەت جەكپە-جەككە شىعىپ, بارلىعىندا جەڭىس تويىن تويلادى. التى قارسىلاسىن ەسىنەن تاندىردى. ءبىرىنشى اۋىر سالماق دارەجەسىندەگى تانىمال باپكەر ساعاتبەك مۇساحانوۆتىڭ شاكىرتى ەكۆادوردىڭ وكىلى جان كارلوس مينامەن (6-1, 2 كو) جۇدىرىقتاسادى.
ال كاسىپقويلار اراسىندا تۇساۋكەسەر كەزدەسۋىن وتكىزگەلى وتىرعان جەڭىل سالماقتاعى كونستانتين برۋسەنسكيدىڭ قارسىلاسى ازىرگە بەلگىسىز.
عالىم سۇلەيمەن,
«ەگەمەن قازاقستان»
