كەزىندە قازاقستان ۆولەيبولىنىڭ داڭقى الىسقا جايىلعانىن ەگدە تارتقان جانكۇيەرلەر ۇمىتا قويعان جوق. وكتيابر جارىلقاپوۆتاي مايتالمان مامان ىرگەتاسىن قالاعان الماتىنىڭ «بۋرەۆەستنيك» كلۋبى باسىندا تالاي بيىك بەلەستەردى باعىندىردى. الپىسىنشى جىلداردىڭ ەكىنشى جارتىسىندا كسرو چەمپيوناتىنىڭ جوعارى توبىنا جولداما العان جەرلەستەرىمىز قىسقا عانا مەرزىم ارالىعىندا وزدەرىنىڭ مىقتىلىعىن مويىنداتتى. شەبەرلەر توبىنداعى العاشقى ماۋسىمدا سەگىزىنشى ورىن العان «بۋرەۆەستنيك» 8 ورىنعا تابان تىرەگەن ولار كەلەسى ماۋسىمدا ءتورتىنشى ساتىعا جايعاستى. 1967 جىلى جۇلدەگەرلەر ساناتىنا قوسىلىپ, قولا مەدالدى يەلەندى. 1968 جىلى ءبىزدىڭ ۆولەيبولشىلار تاعى ءبىر ساتى جوعارىلاپ, كۇمىسكە جۇلدەگە قول سوزدى. ال 1969 جىلى قازاقستاننىڭ ۆولەيبولشىلارى وزدەرىنىڭ تاريحي جەڭىسىنە قول جەتكىزدى. سول ماۋسىمدا كىل مىقتىلاردىڭ بارلىعىن قاپى قالدىرعان «بۋرەۆەستنيك» ايدى اسپانعا ءبىر-اق شىعارىپ, كسرو چەمپيونى اتاندى. ول از دەسەڭىزدەر, 1970 جəنە 1971 جىلى ەۋروپا چەمپيوندارى كۋبوگىن ولجالادى. وسى ۇجىمدا شەبەرلىگىن شىنداعان ويىنشىلار ۋاقىت وزا ءوز ءدəۋىرىنىڭ تەڭدەسسىز ويىنشىلارىنا اينالدى. الماتىلىق ورەندەر وليمپيا ويىندارى, əلەم جəنە قۇرلىق چەمپيوناتى جəنە باسقا دا حالىقارالىق جارىستاردا جەڭىس تۇعىرىنا كوتەرىلدى.
مىنە, وسىنداي داڭقتى كوماندانىڭ قۇرمەتىنە جىل سايىن وسىنداي كەرەمەت جارىس ۇيىمداستىرىلۋدا. بيىلعى باسەكە 11 جەلتوقساندا باستالىپ, 15 جەلتوقساندا ءوز مارەسىنە جەتەدى. قازىرگى كەزدە قىرعىزستان, وزبەكستان, تۇركىمەنستان جانە رەسەيدەن كەلگەن كوماندالارمەن قاتار, ءوزىمىزدىڭ «بۋرەۆەستنيك-الماتى» كلۋبى دا باق سىناۋدا.
عالىم سۇلەيمەن,
«ەگەمەن قازاقستان».
الماتى
