جارىستىڭ اشىلۋ سالتاناتىندا الماتى قالاسى دەنە شىنىقتىرۋ جəنە سپورت باسقارماسىنىڭ باستىعى رۇستەم بايسەيىتوۆ, استانا قالاسى كەرلينگ فەدەراتسياسىنىڭ ۆيتسە-پرەزيدەنتى گۇلميرا تۇرلىحانوۆا جəنە ماڭعىستاۋ وبلىسى كەرلينگ فەدەراتسياسىنىڭ پرەزيدەنتى ميحايل ۋستينوۆ ءسوز سويلەپ, سپورتشىلارعا سəتتىلىك تىلەدى.
ەلىمىزدە كەرلينگتىڭ بەدەلى ۋاقىت وزعان سايىن ارتىپ كەلە جاتقانىنا سان مىڭ جانكۇيەر كۋا. بۇل جولى ءبىز كەشەندى تۋرنير وتكىزۋدى ءجون كوردىك. 9 جەلتوقساندا باستالعان باسەكەلەر 21 جەلتوقسانعا دەيىن سوزىلادى. سول ۋاقىت ارالىعىندا جاسوسپىرىمدەر بىرىنشىلىگى مەن الماتى قالاسىنىڭ اشىق چەمپيوناتى بارىسىندا مىقتىلار انىقتالادى. فەستيۆال اياسىندا ءبىز نۇسقاۋشىلارعا سەمينار وتكىزىپ, كەمباعال جاندار, ەستۋ جانە سويلەۋ قابىلەتى ناشار ادامدارعا كەرلينگ ۇيرەتەمىز. سونىمەن قاتار, قىسقى سپورت تۇرلەرىنەن وليمپيادالىق دايارلاۋ ورتالىعىنىڭ جاستار كومانداسى جەلىسى بويىنشا وقۋ-جاتتىعۋ جيىنى ۇيىمداستىرىلۋدا. 2019 جىلدىڭ اقپان ايىندا قازاقستان رەسپۋبليكاسىنىڭ ءىىى قىسقى جاستار ويىنى وتەتىنى وزدەرىڭىزگە ءمالىم. سول جارىستىڭ باعدارلاماسىنا كەرلينگ تە كىرگەن. سول باسەكەلەردە تابىستى ونەر كورسەتكەن ورەندەر الداعى ۋاقىتتا حالىقارالىق دودالاردا ەل نامىسىن قورعايتىن بولادى, – دەيدى قازاقستان كەرلينگ قاۋىمداستىعىنىڭ باس حاتشىسى ۆيكتور كيم.
عالىم سۇلەيمەن,
«ەگەمەن قازاقستان»
الماتى
