امانگەلدى اۋداندىق پوليتسيا بولىمىندە مال ۇرلىعىمەن اينالىسقان ەكى ادامعا قاتىستى قىلمىستىق ءىس جاتىر. وسى اۋدانعا قاراستى بايعابىل اۋىلىنداعى شارۋا قوجالىعىنىڭ 11 باس جىلقىسىن جايىلىمدا جۇرگەن جەرىنەن جۇمىسسىز 37 جانە 46 جاستاعى ەكى ادام ايداپ الىپ كەتەدى. ولاردى پوليتسەيلەر «سكوتوكراد» جەدەل-پروفيلاكتيكالىق شارا كەزىندە انىقتاپ, ۇستادى. كۇدىكتىنىڭ بىرەۋى جىلقىلاردى قاراشا ايىندا وزىمەن ۇرلىقتى بىرگە جاساپ جۇرگەن ادامنىڭ قوراسىنا اكەلىپ قاماپ قويعان. ارى قاراي ارەكەتتى ەكەۋى بىرگە جاساعان. ولار ۇرلاعان مالدى سويىپ, ەتىن استاناعا اپارىپ ساتىپ وتىرعان.
جەدەل-پروفيلاكتيكالىق شارا كەزىندە پوليتسەيلەر كۇدىكتىنىڭ ءبىرى سويىلعان جىلقىنىڭ ەتى مەن تەرىسىن ۇيىنە تىعىپ قويعان جەرىنەن تاۋىپ الدى. پوليتسەيلەر سويىلعان جىلقىنىڭ ءتۇر-ءتۇسى تۋرالى شارۋا قوجالىعىنا حابارلايدى. ءبىر قىزىعى, شارۋا قوجالىعىنىڭ جەەتكشىسى جىلقىلارىنىڭ قولدى بولعانىن پوليتسەيدەن ەسىتەدى, ول مالىن جايىلىمدا ءجۇر دەپ ويلاپتى. شارۋا قوجالىعىنا كەلتىرىلگەن شىعىن 3 ميلليون تەڭگەدەن اسادى.
قازىر قك 188-بابى, 3-ءبولىم, ياعني «ۇرلىق» بويىنشا سوتقا دەيىنگى تەرگەۋ امالدارى ءجۇرىپ جاتىر.
قوستاناي وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, وبلىستا جىل باسىنان بەرى 243 باس مال ۇرلانعان, ونىڭ ىشىندە 108 ءىس عانا اشىلدى.
ء نازيرا جارىمبەت,
«ەگەمەن قازاقستان»
قوستاناي
