تەننيس • 11 قاراشا، 2018

دەۆيس كۋبوگىنىڭ داۋرەنى اياقتالدى

231 رەتكورسەتىلدى

جۋىردا حالىقارالىق تەننيس فەدەراتسياسى (ITF) ءبىر عاسىردان استا تاريحى بار دەۆيس كۋبوگىن ۇلكەن وزگەرىستەر كۇتىپ تۇرعانىن حابارلادى. ەندىگى كەزەكتە ITF فۋتبولدان يسپانيا قۇراماسى مەن «بارسەلونا» كلۋبىنىڭ قورعاۋشىسى جەرار پيكە نەگىزىن قالاعان Kosmos ينۆەستيتسيالىق توبىمەن بىرلەسىپ، تەننيستەن الەم كۋبوگىنىڭ وتكىزبەك.

حالىقارالىق تەننيس فەدەراتسياسى تاراتقان رەسمي مالىمەتكە قاراعاندا، ITF دەۆيس كۋبوگىن وزگەرتىپ، تەننيستىڭ دامۋىنا قارجىلىق جاعىنان قولداۋ كورسەتەتىن Kosmos ينۆەستيتسيالىق توبىمەن 25 جىلعا ەسەپتەلگەن 3 ميلليارد دوللارلىق جوباعا قول قويعان. ITF ديرەكتورلار كەڭەسى دەۆيس كۋبوگىنىڭ ورنىنا الەم كۋبوگىنىڭ فينالىن (World Cup of Tennis Finals) قۇرۋدى ءبىراۋىزدان قولدادى. اتالعان جارىستىڭ جەڭىمپازدارى رەسمي تۇردە دەۆيس كۋبوگىنىڭ جەڭىمپازدارى بولىپ ەسەپتەلەدى.

ITF پرەزيدەنتى دەۆيد حەگتەري: «بۇل ITF ءۇشىن دە، تەننيس ءۇشىن دە ۇلكەن رەۆوليۋتسيا، ءبىزدىڭ ديرەكتورلار كەڭەسى دەۆيس كۋبوگىنىڭ باتىل جانە امبيتسياعا تولى جاڭا جوسپارىن تولىقتاي قولدايدى دەگەن ويدامىن»، دەيدى. ء«بىزدىڭ ماقساتىمىز – تەننيستى ساۋىقتىق باعدارلامامەن ۇيلەستىرىپ، الەمنىڭ ەڭ مىقتى دەگەن ويىنشىلارى الەم كۋبوگىندا ءوز ەلىنىڭ اتىنان قاتىسا الاتىنداي ۇلكەن تۋرنير ۇيىمداستىرۋ. ءبىزدىڭ جاڭا سەرىكتەستىگىمىز الەمدىك تەننيس كۋبوگىن قۇرىپ قانا قويماي، الەم بويىنشا تەننيس سۇيەر ۇرپاقتىڭ بولاشاعىنا دەگەن ۇلكەن ينۆەستيتسيا بولماق». جوبانىڭ ىسكە اسۋى جونىندەگى سوڭعى داۋىس بەرۋ قاراشا ايىنداعى ITF-ءتىڭ جىل سايىنعى ءداستۇرلى جيىنىندا وتەدى.

ءبىز ايتىپ وتىرعان رەفورما تامىز ايىندا ورلاندودا وتەتىن ITF-تىڭ جىل سايىنعى باس اسسامبلەياسىندا بەكىتىلمەك. ازىرگە جوسپار مىناداي: جاڭا تۋرنير العاش رەت كەلەسى جىلدىڭ قاراشا ايىندا ۇيىمداستىرىلۋى مۇمكىن. ءبىر اپتا بويى 18 قۇراما توپتىق كەزەڭنەن باستاپ باق سىنايدى. ءار كەزدەسۋ ءۇش سەتتىك فورماتتاعى ءۇش ماتچتان تۇرادى: ەكى جەكەلەي جانە ءبىر جۇپتىق. Kosmos كومپانياسىنىڭ ينۆەستيتسياسى نەگىزىنەن قاتىسۋشىلاردىڭ جۇلدەسىنە، ءار ءتۇرلى ءىس-شارالاردىڭ ۇيىمداستىرىلۋىنا جۇمسالادى. سونداي-اق قۇرامالاردىڭ كەزدەسۋ ورىندارى دا وزگەرىپ وتىرادى.

پيكەنىڭ تەننيستە نەسى بار؟

پيكە ەڭ الدىمەن تەننيستىڭ ۇلكەن جانكۇيەرى. ول كوپتەگەن يسپاندىق ويىنشىلارمەن ارالاسادى جانە بارسەلونا مەن مادريدتەگى ماتچتارعا تۇراقتى تۇردە بارىپ تۇرادى. ەكىنشىدەن، پيكە ءۇشىن بۇل قىزىقتى ىسكەرلىك جوبا. يسپاندىق جىگىت ءوزىن بۇعان دەيىن دە بيزنەستە بايقاپ كورگەن. ماسەلەن، ونىڭ ويىن قۇراستىراتىن Kerad Games اتتى شاعىن كومپانياسى بار. كەيبىر مالىمەتتەرگە سۇيەنسەك، ول «بارسەلونا» مەن جاپوندىق Rakuten كومپانياسى اراسىنداعى دەمەۋشىلىك كەلىسىمدى ىسكە اسىرۋعا كومەكتەسكەن. پيكە مەن ونىڭ ايەلى شاكيرا Rakuten باسشىسى حيروشي ميكيتانيمەن دوستىق قارىم-قاتىناستا جانە ولار سان-فرانتسيسكودا كەشكى اس ۇيىمداستىرىپ، سول جەردە كومپانيا مەن «بارسەلونا» اراسىنداعى سەرىكتەستىكتى كەلىسكەن.

تەننيستىڭ كوماندالىق ءتۋرنيرىن قۇرۋ تۋرالى ويدى پيكە وتكەن جىلدىڭ مامىر ايىندا ايتقان بولاتىن. سول كەزدە فۋتبولشى جارىس بولىپ جاتقان مادريدكە بارىپ، كەلىسسوزدەر جۇرگىزىپ كەلدى. بىراق ول ۋاقىتتا دەۆيس كۋبوگىن وزگەرتۋ تۋرالى وي بولماعان. تەك جىل سايىن Roland Garros الدىندا ديۋسسەلدورفتا وتكىزىلىپ تۇرعان «ۇلكەن دۋلىعا» كۋبوگى سىندى تۋرنير جاساۋدى قولعا الدى. دەگەنمەن سوڭعى جىلدارى وعان تەك سەگىز كوماندا قاتىسىپ، ۇيىمداستىرۋشىلار ءجونى ءتۇزۋ كوماندانى دا جيناقتاي الماعان سوڭ بايقاۋدى جاۋىپ تاستاعان.

پيكەنىڭ ويى بار بولعانى ءتۋرنيردى جاڭاشا ەكپىنمەن جانە قولايلى ۋاقىتتا وتكىزەتىندىگىمەن عانا ەرەكشەلەنەدى. جالپى، 1975 جىلدان 2012 جىلعا دەيىن اتر كۇنتىزبەسىندە ديۋسسەلدورفتا وتەتىن World Team Cup توپتىق ءتۋرنيرى بار بولاتىن. بىراق ونىڭ ماڭىزدى دەمەۋشىلەرى بولمادى جانە ول قولايسىز ۋاقىتتا بولاتىن. ياعني، World Team Cup ويىنى الەمنىڭ بارلىق توپ ويىنشىلارى «ۇلكەن دۋلىعا» سەرياسىنا ەنەتىن «رولان گارروس» تۋرنيرىنە قاتىساتىن اپتانىڭ الدىندا وتەتىن.

كۋبوك نەسىمەن ۇناماي قالدى؟

سوڭعى كەزدەرى دەۆيس كۋبوگىنا سىن ايتۋشىلاردىڭ سانى كوبەيىپ كەتتى. بىرىنشىدەن، ول ماۋسىم بويىنا سوزىلادى. ەكىنشىدەن، ويىندار قولايسىز ۋاقىتقا قويىلعان. ادەتتە «ۇلكەن دۋلىعا» تۋرنيرىنەن كەيىن ۇيىمداستىرىلاتىن. ال كۋبوگتىڭ فينالى توپ تەننيسشىلەر ابدەن شارشاپ-شالدىعاتىن جىلدىڭ سوڭىندا وتەتىن. ۇشىنشىدەن، ماتچتار كەيدە قولايسىز ەلدە ۇيىمداستىرىلادى. ماسەلەن، Australian Open تۋرنيرىنەن كەيىن اۋستراليادا ويناسا ماسەلە باسقاشا بولار ەدى، ال جاسىل قۇرلىققا «ۋيمبلدوننان» (انگليا) كەيىن ۇشىپ بارۋ وتە قيىن. تورتىنشىدەن، دەۆيس كۋبوگىندا ءالى كۇنگە دەيىن بەسسەتتىك فورمات، ياعني ويىنشىنىڭ ءۇش كۇندە ءۇش بەسسەتتىك ماتچ (ەكى جەكەلەي جانە جۇپتىق) وتكىزە الاتىندىعى كوبىسىنە ۇنامايدى. ءتىپتى وسى ۋاقىتقا دەيىن بەسىنشى سەتتە تاي-برەيك بولمايتىن، سول سەبەپتى ماتچتاردىڭ ۇزدىكسىز جالعاسا بەرۋى مۇمكىن ەدى. وسى ماۋسىمنان باستاپ قانا جاعداي وزگەردى.

وسىنداي جايتتاردىڭ اسەرىنەن كوپتەگەن توپ ويىنشىلار دەۆيس كۋبوگىنا قاتىسا المايتىن نەمەسە ماۋسىمنىڭ ءوتۋ مەزگىلىنە قاراي ءبىر ماتچقا عانا كەلەتىن. مىسالى، 2015 جىلعى كۋبوگتا ەندي ماررەي بريتانيا ساپىندا تولىق ويناپ شىقسا، باسقا ۇزدىك ويىنشىلار كەستەلەرىنە سايكەس ءوز قۇرامالارى ءۇشىن ويناي المادى. ال مۇنان ءبىر جىل بۇرىن دا ءدال سونداي جاعداي شۆەيتساريامەن بولعان: رودجەر فەدەرەر مەن ستەن ۆاۆرينكا دەۆيس كۋبوگىندا ويىن وتكىزگەن جالعىز توپ ويىنشىلار بولدى.

كوبى ITF-تان دەۆيس كۋبوگىن جاڭارتۋدى سۇراپ، ۇسىنىس بىلدىرگەن. بىراق ازىرگە ءجونى ءتۇزۋ ۇسىنىستار ايتىلعان جوق. سول سەبەپتى، دجوكوۆيچ بۇل تاقىرىپتى تالقىلاۋدان جالىققانىن ايتادى، ال توماش بەردىح قۇراماداعى مانسابىن اياقتادى. كۋبوكتىڭ جاڭا تۋرنيرگە وزگەرۋى ماسەلەنىڭ ەڭ وڭتايلى شەشىمى بولار ەدى. نەگىزى الەمنىڭ توپ ويىنشىلارى ءوز قۇرامالارىندا ويناعىسى كەلەدى، بىراق وتە تىعىز ماۋسىمدىق كەستەلەرىنە بايلانىستى دەۆيس كۋبوگىنان امالسىز شەت قالىپ جاتادى. سونىمەن قاتار توپ ويىنشىلاردىڭ ماتچتارىن جانكۇيەرلەر قىزىعىپ قارايدى (بۇل ءۇشىن بىلتىرعى ماررەيدىڭ دەل پوترومەن بەس ساعاتتىق تريللەرىن ەسكە ءتۇسىرۋ جەتكىلىكتى).

دەۆيس كۋبوگى قانداي جوبا ەدى؟

دەۆيس كۋبوگى – حالىقارالىق تەننيس فەدەراتسياسى جىل سايىن وتكىزەتىن ەرلەر اراسىنداعى ەڭ ءىرى حالىقارالىق كوماندالىق جارىس. ءجۇز جىلدان اساتىن تاريحى بار تۋرنير ۇلتتىق قۇرامالاردىڭ بەيرەسمي چەمپيوناتى سانالادى. ەڭ العاش 1899 جىلى گارۆارد ۋنيۆەرسيتەتىنىڭ ءتورت ستۋدەنتىنە ۇلتتىق قۇرامالار وينايتىن تەننيس ءتۋرنيرىن ۇيىمداستىرۋ تۋرالى وي كەلەدى. ستۋدەنتتەردىڭ ءبىرى دۋايت دەۆيس جارىستىڭ كەستەسىن قۇرىپ، ءوز اقشاسىنا جارىستىڭ سىيلىعى رەتىندە كۇمىس كۋبوكتى ساتىپ الادى. العاشقى تۋرنير 1900 جىلى برۋكليندە ءوتىپ، وعان اقش جانە ۇلىبريتانيا قۇرامالارى قاتىسقان.

ءتۋرنيردىڭ 1981 جىلعى سوڭعى ەرەجەسى بويىنشا كوماندالار دارەجەلەرىنە قاراي، ءۇش توپقا بولىنەدى. ءبىرىنشى توپ – الەمدىك ەليتا. ياعني، الەمنىڭ ەڭ مىقتى دەگەن قۇرامالارى ءوزارا جەڭىمپازداردى انىقتايدى. ەكىنشىسى – ايماقتىق توپتار (امەريكا، ەۋروپا/افريكا، ازيا/مۇحيت ارالدارى). ءۇشىنشىسى – اۋتسايدەرلەر توبى.

دەۆيس كۋبوگىنىڭ ەڭ العاشقى جۇلدە قورىن 1981 جىلى نەك كومپانياسى تاعايىنداپ، ءتۋرنيردىڭ باس دەمەۋشىسى اتانعان. ال 2002 جىلدان بۇگىنگى كۇنگە دەيىن «BNP Paribas» بانكى ۇلتتىق قۇرامالاردىڭ بەيرەسمي چەمپيوناتى سانالاتىن جارىستىڭ باس دەمەۋشىسى بولىپ كەلەدى. دەۆيس كۋبوگىنىڭ قازىرگى جۇلدە قورى 8،5 ميلليون اقش دوللارىن قۇرايدى.

ارينە، ءبارىمىز ەسكى فورماتتى دەۆيس كۋبوگىن ساعىناتىن بولامىز. بىراق جاڭاسى دا وتە قىزىقتى بولعالى تۇر. كورەرمەندەر سانىن ارتتىرۋ جانە كوممەرتسيالىق تابىس ءۇشىن سپورتتىڭ بارلىق تۇرىندە وزگەرىستەر بولىپ تۇرادى. مىسالى، فۋتبولدان ەۋرو-2020 چەمپيوناتى ءبىر ەلدە ەمەس، 12 ەلدەگى 12 قالادا وتەدى. ال ەۋروپا حوككەي تۋرىندا كانادا قۇراماسى وينادى. جالپى ايتقاندا، ەگەر جاڭا فورمات دۇرىس بولماي جاتسا ەسكىسىنە اۋىسۋعا ەشقاشان كەش ەمەس.

 

تالعات مۇسىرەپوۆ،

بلاگودار مەكتەبى

اقتوبە

سوڭعى جاڭالىقتار

جولدىڭ جاۋى – اۋىر جۇك كولىكتەرى

ايماقتار • بۇگىن، 13:14

ساقتىق شارالارىن ساقتاۋ ماڭىزدى

كوروناۆيرۋس • بۇگىن، 13:08

تۋريزم دامىسىن دەسەك...

قازاقستان • بۇگىن، 12:55

ءتۋريزمنىڭ تۇرالاعان تۇستارى كوپ

قازاقستان • بۇگىن، 12:46

يتاياقپەن اس ىشكەن ايەل

رۋحانيات • بۇگىن، 10:30

ارىستار رۋحىنا قۇرمەت

پىكىر • بۇگىن، 08:33

ەل ءۇشىن ماڭىزدى باستاما

پىكىر • بۇگىن، 08:25

وڭ وزگەرىستەرگە جول اشادى

پىكىر • بۇگىن، 08:09

شىرعالاڭ شىندىعى

الەم • بۇگىن، 08:04

ۇقساس جاڭالىقتار