«رۋحاني جاڭعىرۋ» باعدارلاماسىنىڭ اياسىندا وتكەن فەستيۆال حالقىمىزدىڭ مادەني مۇراسىن ساقتاۋدى, ءداستۇرلى ءان مەن ۇلتتىق مۋزىكا اسپاپتارىن دارىپتەپ, ولاردى ۇلتتىق قۇندىلىعىمىز رەتىندە حالىققا كەڭىنەن ناسيحاتتاۋدى مۇرات تۇتتى. ايماقتىق ءان فەستيۆالىنە قامىستىعا ىرگەلەس دەنيسوۆ, جىتىقارا اۋداندارىنان دا تالانتتى ونەرپازدار قاتىستى.
ونەر جارىسىندا قازاقتىڭ ءداستۇرلى حالىق اندەرىن شىرقاعان ب. مالىشەۆ, ا. ەلشىباەۆ, ج. تۇرماعانبەت, ت. ءىلىمجانوۆ, ءا. عۇبايدۋللينا, ءا. قاجيەۆا, د. قاشقىمباەۆ انگە سۋساعان كورەرمەندەردى ونەرىمەن ريزا ەتتى. انشىلەر حالىق اندەرىمەن قاتار قازاق كومپوزيتورلارىنىڭ كەڭ تاراعان اندەرىنە دە ورىن بەردى. ولارعا اۋدان اكىمىنىڭ «العىس حاتى» مەن اقشالاي سىيلىقتار تابىس ەتىلدى.
«وسى فەستيۆالدى الداعى ۋاقىتتا جىل سايىن ءداستۇرلى وتكىزىپ تۇرامىز دەگەن ۇيعارىمعا كەلدىك. حالقىمىزدىڭ ءبىر بايلىعى – ءان ونەرى. ونى ناسيحاتتاۋدا جانە جاس ۇرپاقتىڭ رۋحاني سۋسىنداۋى ءۇشىن بۇل فەستيۆال وسىنداي شارالاردىڭ قاجەتتىگىن كورسەتتى» دەيدى قامىستى اۋداندىق مادەنيەت ءبولىمىنىڭ باسشىسى گۇلنار جۇماباەۆا.
ءنازيرا جارىمبەت,
«ەگەمەن قازاقستان»
قوستاناي
