كورمەنى ينۆەستيتسيالار جانە دامۋ ءبىرىنشى ۆيتسە-ءمينيسترى رومان سكليار اشتى.
«قازاقستاننىڭ اۆتوجول جەلىلەرىن دامىتۋ مەن جەتىلدىرۋ – ءبىزدىڭ مينيسترلىك شەشەتىن باسىم مەملەكەتتىك مىندەتتەردىڭ ءبىرى. اۆتوموبيل جولدارىنىڭ زاماناۋي جەلىسىن قۇرۋ جانە ءتيىمدى پايدالانۋ, جول كەشەنىنىڭ ينفراقۇرىلىمى – مەملەكەت ەكونوميكاسىنىڭ سەرپىندى دامۋىنىڭ نەگىزگى تىرەگى بولىپ تابىلادى. ۇستىمىزدەگى جىلى ەلىمىز بويىنشا 4,5 مىڭ شاقىرىمنان استام رەسپۋبليكالىق ماڭىزى بار كولىك جولدارى جوندەلدى», دەپ اتاپ ءوتتى ر.سكليار كورمەنىڭ اشىلۋىندا سويلەگەن سوزىندە.
بيىلعى كورمەدە ء«ىرى قالالار مەن جاقىن ماڭداعى ەلدى مەكەندەر اراسىندا كولىك قاتىناسىن دامىتۋ بويىنشا شارالار قابىلداۋ» جانە «وڭىرىشىلىك قاتىناستاردى جاقسارتۋ ءۇشىن جەرگىلىكتى جولداردى جوندەۋگە قارجى كولەمىن 150 ملرد تەڭگەگە دەيىن ۇلعايتۋ» ماسەلەلەرىنە باسىمدىق بەرىلىپ وتىر. بۇل شارالاردى جۇزەگە اسىرۋ قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ 2017 جىلدىڭ 31-قاڭتارداعى حالىققا جولداۋىندا تاپسىرىلعان بولاتىن.
قازاقستان رەسپۋبليكاسىنىڭ, بەلارۋس, ۋكراين, رەسەي, اقش, گەرمانيا, تۇركيا, قىتاي جانە وزگە دە ەلدەردىڭ 100-دەن استام زاماناۋي عىلىمي جانە تەحنيكالىق ونىمدەرى مەن ماتەريالدارى ۇسىنىلىپ وتىر.
كورمە اياسىندا وڭىرارالىق جول ينفراقۇرىلىمىن دامىتۋدى شەشۋ جولدارى» اتتى عىلىمي-تاجىريبەلىك كونفەرەنتسيا ۇيىمداستىرىلدى. ونىڭ جۇمىسىنا اقش, فرانتسيا, تۇركيا, رەسەي ەلدەرى مەن قازاقستاننىڭ بەلگىلى كومپانيالارى وكىلدەرىنىڭ قاتىسىپ, ءوز ەلدەرىندەگى جول قۇرىلىمىنا قاتىستى تاجىريبەمەن ءبولىستى, جۇزەگە اسىرۋ ۇستىندەگى يننوۆاتسيالىق جاڭاشىلدىقتارىن ورتاعا سالدى.
بۇگىندە ەلىمىزدە قولدانىستاعى اۆتوموبيل جولىنىڭ ۇزىندىعى – 95,6 مىڭ شاقىرىم. ونىڭ 24,4 مىڭ شاقىرىمى – رەسپۋبليكالىق ماڭىزى بار, ال 71, 2 مىڭ شاقىرىمى – جەرگىلىكتى جولدار.
جىلدارعا ارنالعان «نۇرلى جول» مەملەكەتتىك باعدارلاماسى اياسىندا ءبىزدىڭ مينيسترلىك اۆتوجولدار, ترانسپورت جانە ازاماتتىق اۆياتسيا سالالارىندا بىرقاتار جوبالاردى جۇزەگە اسىرۋدا. نەگىزىنەن اۆتوموبيل جولدارىن سالۋ مەن قايتا جوندەۋ جۇمىستارىنا ءمان بەرۋدەمىز. اتالعان مەملەكەتتىك باعدارلاما اياسىندا 2015-2017 جىلدارى رەسپۋبليكا بويىنشا ءى جəنە ءىى دەڭگەيدەگى تەحنيكالىق كاتەگوريالارعا جاتاتىن 5,9 مىڭ شاقىرىم جول سالىندى جانە جوندەۋدەن ءوتتى. سونىڭ ىشىندە ىسكە قوسىلعان باتىس ەۋروپا -باتىس قىتاي كولىك ءدالىزى دە بار», دەدى قر ينۆەستيتسيالار جانە دامۋ ۆيتسە-ءمينيسترى رومان سكليار.
ونىڭ ايتۋىنشا, اتالعان جۇمىستارعا 932,4 ملرد تەڭگە قاراجات ءبولىندى, ونىڭ 472,8 ملرد تەڭگەسى ۇلتتىق قوردان قارجىلاندىرىلدى. ودان بولەك, اتالعان جوبالاردى جۇزەگە اسىرۋ كەزىندە 80 مىڭ ادام جۇمىسقا تارتىلدى. جولداردى سالۋ مەن جوندەۋگە جۇمسالعان قۇرىلىس ماتەريالدارىنىڭ 95 پايىزىن وتاندىق ونىمدەر قۇرادى.
سونىمەن قاتار ۆيتسە-مينيستر ۇستىمىزدەگى جىلى رەسپۋبليكالىق ماڭىزى بار اۆتوموبيل جولدارىن سالۋ مەن جوندەۋ باعىتىندا 23 جوبانىڭ جۇزەگە اسىرىلعانىن, 4,6 مىڭ شاقىرىم جول پايدالانۋعا بەرىلگەنىن ايتىپ ءوتتى. ول جوبالارعا بيۋدجەتتەن 232,4 ملرد تەڭگە قارجى بولىنگەن جانە جىل سوڭىنا دەيىن تاعى 528 شاقىرىم اۆتوجول اشىلماق.
«قازىرگى ۋاقىتتا ەلىمىزدە جەرگىلىكتى ماڭىزى بار جولدارعا بولىنگەن قارجى كولەمى – 155,9 ملرد تەڭگە. ونىڭ 64,3 ملرد تەڭگەسى رەسپۋبليكالىق بيۋدجەتتەن قاراستىرىلعان. بۇل قاراجاتقا وڭىرلەردەگى جالپى ۇزىندىعى 4373 شاقىرىمدى قۇرايتىن اۆتوموبيل جولدارىنا جوندەۋ جۇمىستارى جۇرگىزىلەدى. ونىڭ ىشىندە 232 شاقىرىم جول جاڭادان سالىنادى جانە قايتا جوندەۋدەن وتەدى, ال قالعان 4141 شاقىرىم اۆتوجولعا كۇردەلى جانە ورتا دەڭگەيدەگى جوندەۋ جۇمىستارى جۇرگىزىلەدى», دەدى ول.
كورمە اياسىنداعى ءىس-شارالاردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ, قر يدم اۆتوموبيل جولدار كوميتەتىنىڭ, «قازجولعزي» اق-نىڭ رەسمي قولداۋىمەن «VS Expo Com» كورمە كومپانياسىمەن وتكىزۋدە. كورمە جۇمىسى ەكى كۇنگە سوزىلماق.
سۇڭعات ءالىپباي,
«ەگەمەن قازاقستان»
