ەسەپتى كەزدەسۋگە كەلگەندەر جەدەل باسقارۋ ورتالىعىنىڭ, جىلجىمالى كريمينيستيكالىق زەرتحانانىڭ جۇمىسىمەن تانىسىپ, مۇراجايدى تاماشالادى. بروندى ءموبيلدى ماشينالار, «جول پريستاۆى» كەشەنى جايلى اقپاراتتىق ستەندتەر ەرەكشە نازار اۋداردى.
«اشىق ەسىك كۇنىنە» قۇقىق قورعاۋ ورگاندارىنىڭ باسشىلارى, جەرگىلىكتى اتقارۋشى بيلىك, «نۇر وتان» پارتياسى فيليالىنىڭ, كونسۋلتاتيۆتىك-كەڭەسشى ورگاننىڭ, ۇكىمەتتىك ەمەس ۇيىمداردىڭ وكىلدەرى, قالا تۇرعىندارى قاتىستى. پوليتسيا ۆەدومستۆوسىنىڭ باسشىسى ەلباسى جولداۋىندا اتاپ كورسەتىلگەن تاپسىرمالاردى ىسكە اسىرۋ بارىسى تۋرالى جان-جاقتى ماعلۇمات بەردى. فرونت-وفيستار اشىلىپ,تسيفرلىق تەحنولوگيا ەنگىزىلگەن. ىشكى تارتىپتىك جاۋاپكەرشىلىكتىنىعايتۋدىڭ ارقاسىندا قىلمىس 4,3 پروتسەنتكە ازايعان.
ۆيدەو جانە فوتوسلايدتارمەن ۇشتاسقان باياندامادان سوڭ ونلاين رەجىمىندە قويىلعان سۇراقتار تۇرعىن ۇيلەردەگى ۋچاسكەلىك پوليتسيا ينسپەكتورلارىنىڭ جۇمىسىن شيراتۋ, ءۇي-كۇيسىز جۇرگەندەرمەن, ەسىرتكى پايدالاناتىندارمەن كۇرەس, ساعاتتاپ جالعا بەرىلەتىن پاتەرلەردى تارتىپكە كەلتىرۋ, تاعى باسقا ماسەلەلەردى قامتىدى. كەلەسى جىل «ەسىرتكىسىز بولاشاق» جىلى دەپ جاريالانۋى سينتەتيكالىق ەسىرتكىنى تاراتۋشىلارعا قارسى ىمىراسىز كۇرەس جۇمىسى جانداناتىنى اتاپ كورسەتىلدى. ىقشاماۋدانداردا بەينەباقىلاۋ جۇيەسىن كەڭەيتۋ جونىندە وتىنىشتەر ايتىلدى.
كەزدەسۋ سوڭىندا بەرىك ءبىلالوۆ قوعامدىق ءتارتىپتى ساقتاۋعا بەلسەندى قاتىسقان ازاماتتاردى ماراپاتتادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
