سۋرەتتى تۇسىرگەن: رۋفينا تورپيششەۆا
- ءبورلى وزەنىندە ەجەلگى تۇراقتاردى زەرتتەپ, بۇرىنعى جىلقىلاردىڭ سۇيەكتەرىن تاپتىق. سۇيەكتەردىڭ جىلقىعا تيەسىلى ەكەنىن پالەوزوولوگتار دالەلدەمەك. قازىرگى ۋاقىتتا ءبىز گەنەتيكالىق زەرتەتۋلەردىڭ ناتيجەلەرىن كۇتۋدەمىز. كەيىن جانۋارلاردىڭ ءۇي جىلقىسى ەكەنى ايعاقتالۋى مۇمكىن. ولار شامامەن ءبىزدىڭ زامانىمىزعا دەيىنگى 5-ءشى مىڭجىلدىقتا جەرلەنگەن, ياعني, جىلقى نەوليت كەزەڭىندە قولعا ۇيرەتىلگەن,-دەدى ۋنيۆەرسيتەتتەگى ءا. مارعۇلان اتىنداعى ارحەولوگيالىق عىلىمي-زەرتتەۋ ورتالىعىنىڭ ديرەكتورى ۆيكتور مەرتس.
عىلىمي جاڭالىقتار مەن ارحەولوگيالىق قازبا جۇمىستارى تۋرالى ورتالىقتا جينالعان مالىمەتتەر دە از ەمەس.
ۋنيۆەرسيتەت رەكتورى گاۋحار احمەتوۆا « ۇلى دالانىڭ جەتى قىرى» ماقالاسى كوپ جىلدار بويى وتاندىق جانە شەتەلدىك زەرتتەۋشىلەردىڭ اتسالىسۋىمەن قالىپتاسقان تاريحي ايعاقتار نەگىزىندە تەرەڭنەن زەرتتەۋگە نەگىز بولۋ كەرەكتىگىن ايتتى.
-ۋاقىت پەن كەڭەستىك سياقتى نەگىزگى دۇنيەتانىمدىق كاتەگوريالار بار. ولار كوشپەلىلەر مادەنيەتىندە ماڭىزدى ورىنعا يە. بۇل كوشپەلى حالىقتىڭ ەكونوميكاسى, ماتەريالدىق مادەنيەتى, ونەرى مەن اسكەري ءىسىنىڭ قارقىندى دامۋىنا اسەر ەتتى. بۇنىڭ بارلىعى ماقالادا كورىنىس تاپتى. ماقالا قازاق-تۇرىك حالىقتارىن زەرتتەۋشىلەر مەن كوشپەندىلەر وكەنيەتىنە بەت بۇرعان عالىمدارعا سەرپىلىس بەرەرى ءسوزسىز, - دەدى گ. احمەتوۆا.
تالقىلاۋ بارىسىندا ارحيۆتەردىڭ جۇمىسى قاراستىرىلدى. ەندى كەز-كەلگەن ادام ارحيۆتىك دەرەكتەرمەن تانىسا الادى.
سونىمەن قاتار, سالاداعى كادرلار تاپشىلىعىن بولدىرماۋ ماقساتىندا ۋنيۆەرسيتەتتە ارحيۆ قىزمەتكەرلەرىن دايارلاۋ ءىسى جولعا قويىلماق.
ماقالانى تالقىلاۋعا وڭىردەگى جوعارى وقۋ ورىندارىنىڭ باسشىلارى, عالىمدارى, تاريحشىلار, ساراپشار مەن ساياساتتانۋشىلار قاتىستى.
ەلىمىزدىڭ باس گازەتى «ەگەمەن قازاقستان» رەسپۋبليكالىق گازەتىندە جاريالانعان «رۋحاني جاڭعىرۋ» ماقالاسىنىڭ جالعاسى « ۇلى دالانىڭ جەتى قىرى» اتتى جاڭا ماقالاسىندا پرەزيدەنت ۇلى كوشپەلى مادەنيەت پەن ونىڭ قازاق حالقىنىڭ الەمدىك وركەنيەتتەگى وزىندىك ورنىنا باسا نازار اۋدارادى.
- ول مادەني جەتىستىكتەر, ۇلى دالانىڭ كونە مەتاللۋرگياسى, ۇلى دالانىڭ ۇلى ەسىمدەرى, تۇركى الەمىنىڭ گەنەزيسى ەلىمىزدىڭ بۇگىنگى كۇنى ەل بولىپ قالىپتاسۋىنا جول اشتى,-دەيدى عالىمدار.
شاراعا قاتىسقان قاۋىم «رۋحاني جاڭعىرۋ» باعدارلاماسىنىڭ جاڭا كومپونەنتتەرى ەلىمىزدىڭ باي مۇراسىن ەسكە الۋمەن قاتار, بۇل مۇرانى قازىرگى زاماندا سۇرانىسقا يە جانە وزەكتى ەتۋگە وڭ سەپتىگىن تيگىزەتىنىن العا تارتتى.
فاريدا بىقاي,
«ەگەمەن قازاقستان»
پاۆلودار
