«اقتوبە» فۋتبول كلۋبىنىڭ ەلەكتروندى ساۋداسى ءۇش رەت وتكىزىلگەن. 2018 جىلى 20 قاراشادا وتكەن ساۋدا-ساتتىقتىڭ ناتيجەسى بويىنشا سماقوۆ سامات كابير ۇلى جەڭىمپاز اتاندى. ايتا كەتۋ كەرەك, ول ءۇشىنشى ساۋدا-ساتتىقتىڭ جالعىز قاتىسۋشىسى بولاتىن.
كلۋب سەنىمدى باسقارماعا كەيىن ساتىپ الۋ قۇقىعىمەن جەتى جىلعا بەرىلدى. كەلىسىم 108 ملن تەڭگەنى قۇرادى.
كەلىسىمنىڭ شارتى كلۋب قىزمەتىنىڭ ءپروفيلى مەن ارەكەت ەتۋشى قىزمەتكەرلەر قۇرامىنىڭ كەم دەگەندە 75 پايىزىن ساقتاۋ بولىپ تابىلادى جانە كەپىلگە بەرۋگە, سونىڭ ىشىندە جىلجىمالى جانە جىلجىمايتىن م ۇلىككە قاتىستى باسقا دا ارەكەتتەرگە تىيىم سالىنادى.
بۇدان باسقا, جاڭا قوجايىن كلۋبتىڭ پرەمەر-ليگانىڭ كلۋبتارعا قوياتىن تارتىپتەرىنە سايكەس بارلىق مىندەتتى تۋرنيرلەر مەن جارىستارعا قاتىسۋىن قامتاماسىز ەتۋىمەن قاتار, بالالار فۋتبولىن, سونىڭ ىشىندە وبلىس اۋداندارىندا دا اتالعان سپورت ءتۇرىن دامىتۋى كەرەك.
جەكەشەلەندىرۋ مەنەدجەمەنت ساپاسى مەن كلۋبتى باسقارۋ تيىمدىلىگىن كوتەرۋگە, بيۋدجەتكە تۇسەتىن سالماقتى تومەندەتۋگە, جەكە ينۆەستيتسيالاردى تارتۋعا, سونىمەن قاتار, وڭىردەگى فۋتبول ينفراقۇرىلىمىن جاقسارتۋعا مۇمكىندىك بەرەدى دەپ كۇتىلىپ وتىر.
تەمىر قۇسايىن,
«ەگەمەن قازاقستان»
