اشىق دەرەكتەر پانەلى جارناما بەرۋشىلەرگە قازاقستاندىق مەديا جايلى ەڭ سەنىمدى دەرەكتەردى الۋعا مۇمكىندىك بەرەدى. ونىڭ باستى ماقساتى – كەڭ جۇرتشىلىققا ونلاين اناليتيكانىڭ ناقتى دەرەكتەرىمەن بولىسۋگە دايىن قاتىسۋشىلار ارقىلى اشىق نارىقتى قۇرۋعا مۇمكىندىك جاساۋ.
قازاقستاندىق باق نارىعىن دامىتۋ ماسەلەلەرىنە ارنالعان XI رەسپۋبليكالىق «Media قۇرىلتاي 2018» كونفەرەنتسياسى اياسىندا باياقاۋدان وتكەن 25 باق-تىڭ Chartbeat وكىلدەرىمەن جابىق كەزدەسۋى ءوتتى. كەزدەسۋ كەزىندە Chartbeat كومپانياسىنىڭ كليەنتتەرمەن جۇمىس جۇرگىزۋ جونىندەگى مامانى دجەيكوب اندەرسون قاتىسۋشىلارعا جەتەكشى اناليتيكالىق كومپانيانىڭ ونلاين-مەتريكالارىنىڭ ارتىقشىلىقتارى جانە وتاندىق باق-پەن بىرلەسكەن جوبا جايلى ايتىپ بەردى.
بايقاۋ قاتىسۋشىلارى Chartbeat كومپانياسىمەن كەلىسىمشارتقا قول قويىپ, كەڭ جۇرتشىلىققا كورسەتىلەتىن بەس ولشەمدى تاڭدادى, ولار – سايتتاعى بەتتەردى قاراۋ سانى (page view), بىرەگەي قولدانۋشىلار سانى (concurrents), ترافيك كوزى (traffic source), گەو-دەرەكتەر (location) جانە سايتتا بولۋ ۋاقىتى (engaged time). ەندى جوبانىڭ كەلەسى كەزەڭى اياسىندا ورتاق پانەل قۇرىلىپ, ول 2019 جىلدىڭ ءبىرىنشى توقسانىندا ونلايندا جۇمىس جاساپ باستاماق.
