قالالىق دەنساۋلىق ساقتاۋ باسقارماسىنىڭ ء«بىز سالاۋاتتى ءومىر سالتى ءۇشىن» ۇرانىمەن ۇيىمداستىرعان اكتسياسىندا شىمكەنت جوعارى مەديتسينا كوللەدجىنىڭ ستۋدەنتتەرى ءارتۇرلى جاعدايلاردا العاشقى مەديتسينالىق كومەك كورسەتۋ بويىنشا شەبەرلىك ساعاتىن وتكىزدى. بولاشاق دارىگەرلەر جۇرەك-وكپە رەانيماتسياسىن دۇرىس جۇرگىزۋگە ۇيرەتىپ, زارداپ شەگۋشىلەرگە قانداي كومەك كورسەتۋ كەرەكتىگىن كورسەتتى.
سونداي-اق, اتالعان اكتسيا بارىسىندا قالا تۇرعىندارىنا تەگىن كەپىلدەندىرىلگەن مىندەتتى الەۋمەتتىك مەديتسينالىق ساقتاندىرۋ بويىنشا كورسەتىلەتىن مەديتسينالىق كومەكتىڭ تۇرلەرى جانە مەديتسينالىق ساقتاندىرۋدى ەندىرۋدىڭ ماڭىزدىلىعى تۋرالى «مىندەتتى الەۋمەتتىك مەديتسينالىق ساقتاندىرۋ» قورىنىڭ وكىلدەرى ءتۇسىندىرۋ جۇمىستارىن جۇرگىزدى.
ء«اربىر ادامنىڭ نازارىن سالاۋاتتى ءومىر سالتىن ۇستانۋدى قالىپتاستىرۋعا, تۇرعىنداردىڭ ءوز دەنساۋلىعىن ساقتاۋعا شاقىرعان شارا الداعى ۋاقىتتا دا جالعاسىن تابادى», دەيدى سالا ماماندارى.
نۇرشات توكەن,
«ەگەمەن قازاقستان»
شىمكەنت
